JEREMIA 15:1 - BIBEL JAMITA NA DENGGAN

¹ Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 15:1 ပူးပေါင်းရင်းမြစ်များ

PAMUNGKAAN 19:27

Ancogotna i manyogot, marhobas ma si Abraham laho kehe tu inganan hajongjongannia di jolo ni Tuhan sadari dompak so i.

2 RAJA-RAJA 17:20

Nada giot Tuhan be sude halak Israel. Diuhum Ia noma halahi jana dipasahat Ia tu angka musu ni halahi ma jungkat, jabat nada diparrohahon be halahi, tapi dibuang noma halahi sian tano na nilehenNia di halahi.

MASMUR 106:23

Hara ni i gabe tubu di rohaMu laho mangabisi bangsoMi, tapi diambati si Musa, halak na nitodoMi. Ia gabe panonga-nongai di halahi gabe mombun antong rimasMi.

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

PODA 14:35

Pagawe na malo dihasonangkon roha ni raja; tapi hona uhumna do na pailahon ia.

JEREMIA 10:18

Danggurkonon ni Tuhan ma hamu tu habuangan; abiskononNia noma hamu. I ma parenta ni Tuhan.

JEREMIA 11:14

Jadi hara ni i ale Jeremia, ulang tangiangkon halahi sanga mangido tolong tu Au salaho tu halahi! Muda susa halahi jana mangido tolong tu Au, nada tangihononKu be halahi.”

JEREMIA 14:11

Didok Tuhan ma tu au, “Ulang pangido Au mangurupi angka jolma i.

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEREMIA 15:19

Dialusi Tuhan ma, “Muda mulak ho, jagitonKu do ho mangulahi. Jana gabe naposongKu ho muse. Muda dibaritahon ho angka pangalaho na marguna jana nada hum hata-hata sajo, jadi gabe naposongKu ma ho mangulahi. Marroan ma angka jolma tu ho mangulahi.

JEREMIA 16:13

Hara ni i, paorotonKu noma hamu sian luat on jana buangonKu tu sada luat na asing situtu di hamu dohot di ompumunu. Anggo disi arian na borngin mangoloi tu angka debata na leban noma hamu, jana nada maribo ni roha be Au mida hamu.’ ”

JEREMIA 16:5

Ulang ho kehe tu bagas ni halak na hatiha marsak, ale Jeremia. Ulang ho dohot marsak hara ni sanga ise pe. Nada pasupasuonKu be bangsongKu dohot hadamean jana indangkon na ra be Au patuduhon holong ni roha sanga ibo ni rohangKu tu halahi.

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

JEREMIA 22:28

“Adong he na dung gabe songon hudon tano na matapor do Raja Joyakin, na niambungkon jana na so tarpake be? Hara ni i dehe umbaen na dipaorot jana dibuang ia dohot dakdanaknia tu luat na so nitanda ni halahi?”

JEREMIA 23:39

na giot jomputonKu halahi, jana danggurkononKu dao-dao, halahi bope kota na dung Hulehen tu halahi dohot tu ompu ni halahi.

JEREMIA 35:19

Jadi hara ni i, Au Tuhan Na Markuaso, Debata ni Israel, marjanji Au bahaso sian pomparan ni si Jonadab anak ni si Rekhab, angkon sai adong do halaklahi na mangoloi Au salolotna.”

JEREMIA 52:3

Sun do muruk ni Tuhan maradopkon halak na maringanan di Jerusalem dohot halak Juda lopus nada ra be Ia mamparrohahon halahi. Dung i mangalo ma si Zedekia maradopkon si Nebukadnesar raja ni Babel.

JEREMIA 9:19

Tarbege ma sora ni na tangis di Sion, “Mago do hita jana dipaila. Tadingkononta ma hape tanonta, masego ma angka bagasta.”

JEHESKIEL 14:14

Haru pe maringanan disi si Noakh, si Daniel dohot si Job hum diri ni halahi sajo do tarpalua haburjuon ni halahi na tolu. Au Tuhan Debata madung mandok songon i.

JEHESKIEL 22:30

Hujalahi do sian tonga-tonga ni halak Israel i na malo pajongjongkon tembok, sanga jongjong di angka inganan ni tembok na matolbak laho mampartahankon luat i muda ro Au mangaroncohon di bagasan parpiar ni murukKu; hape hum sahalak pe nada adong dapot au.

HOSEA 9:15

Didok Tuhan ma, “Di Gilgal do mamungka sude hajahatan ni halahi i. Disi ma mamungka goyak rohangKu mida halahi. Hara ni jahat ni pambaenan ni halahi, paorotonKu noma halahi sian tanongKon. Nada holong be rohangKu tu halahi; madung sude pamimpin ni halahi mangalo tu Au.

ZAKARIA 3:3

Jongjong ma si Josua di adopan ni Surusuruan i marpakean na dursun situtu.

PANGARATAION 9:26

Gabe hutangiangkon ma songon on, ‘O Tuhan Debata, ulang antong pusa halakMon, bangso na dung nipaluaMu jana na nitaruhonMu haruar sian Mesir mardongan gogo dohot kuaso na godang.

IBRANI 9:24

Harana anggo Bilik Na Sun Badia na nipature ni jolma i hum na manggambarkon Inganan Na Badia na satutuna i do i. Banua Ginjang i do na nimasuhan ni Kristus; disi ma Ia saonnari mangadop tu Debata laho manyarihon hita.

HAKIM-HAKIM 5:9

Hamu angka panglima Israel, hupasangap do hamu. Puji Tuhan! Sian jop ni rohana dilehen halahi dirina gabe haul.

1 SAMUEL 12:19

Gabe didok halahi ma tu si Samuel, “Tolong ma amang, tangiangkon ma hami on tu Tuhan Debatami, anso ulang mate hami. Saonnari torang ma hami boto, asing sian dosanami, madung mardosa muse hami hape hara ni na mangido sada raja.”

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.

1 SAMUEL 7:9

Jadi hara ni i, disambol si Samuel ma sada anak ni biri-biri lalu ditutung ia ma i himpal-himpal songon haul tu Tuhan. Dung i martangiang ma ia anso ditolong Tuhan halak Israel, jana tulus do antong tangiangnia i.