JEREMIA 14:9 - BIBEL JAMITA NA DENGGAN

⁹ Biasi Ho songon halak na dut roha; songon halak na gogo na so malo mangurupi? Tapi di tonga-tonganami do Ho, Tuhan! Ulang ma tadingkon hami bangsoMon!’ ”

JEREMIA 14:9 ပူးပေါင်းရင်းမြစ်များ

2 JUJUR TAON 7:14

dung i dipatoruk halahi roha ni halahi martangiang tu Au jana ditadingkon halahi pambaenanna na jahat i, jadi gabe tangihononKu ma tangiang ni halahi sian banua ginjang; ampunanKu ma angka dosa ni halahi jana baenonKu makmur mangulahi tano ni halahi i.

MASMUR 10:1

Biasi songon i daoMu o Tuhan, jana martabuni Ho taran hami di hasusaan?

MASMUR 27:9

Ulang ma martabuni Ho sian au. Ulang muruk Ho tu au; ulang suru kehe, naposoMu do au on. Angke sai Ho do pangurupi di au on, ulang tadingkon au, ale Debatangku, na paluahon au.

MASMUR 46:5

Disi do mian Debata, jana indangkan na ra sego kota i, dilehen Ia do pangurupion di habibincar ni mataniari.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 43:7

Angke bangsongKu do halahi na nipanggoarkon tu goarKu, Hutompa halahi laho pasangapkon Au, na Hubaen jana na Hujadihon!”

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JESAYA 59:1

Satutuna, nada na hurang ginjang tangan ni Tuhan laho paluahon, jana parbinegeanNia nada na hurang tajom mambege.

JESAYA 63:19

Songon dia ma na so bangsoMu be hami songon na so mamarenta be Ho tu hami.

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

JEREMIA 51:5

Au Debata, Tuhan Na Markuaso, Debata Na Badia ni Israel, nada tadingkononKu Israel dohot Juda haru pe na dung mardosa halahi tu Au.

JEREMIA 8:19

Tangihon! Marsaringar sude luat on parngiar ni bangsongku na tangis manyapai, “Na so di Sion be ulaning Tuhan i? Di dia do ulaning Rajana i saonnari?” Dialusi Tuhan, Raja ni halahi, “Biasi marsomba ho tu angka debata na so adong sanga aha gunana? Biasi dipahancit ho rohangKu marhite na marsomba angka gana-ganaan?”

ANDUNG 5:20

Malolottu do antong ditadingkon Ho hami! LupahononMu sapanjangna noma ulaning hami?

JEHESKIEL 48:35

9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”

HABAKUK 1:2

Sadia honok nari ale Tuhan pio-pio au, tapi inda dibege Ho, mangido tolong au tu Ho, “Parkancitan!” Tapi nada ditolongi Ho au?

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

BILANGAN 11:23

Dialusi Tuhan ma, “Marbatas dehe kuasongKu? Idaonmu ma tibu, sanga tulus do na Hudok i sanga nada!”

BAENON NI ANGKA RASUL 15:17

anso sude halak na teba i manjalahi Tuhan, rap dohot angka bangso na asing na so Jahudi, i ma na dung Hupiohon gabe Au puna.’ Songon i ma pandok ni Tuhan i,

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

PANGARATAION 23:14

Jagohon hamu anso tong-tong ias bandarmunu i, dibaen didongani Tuhan Debatamunu do hamu di bandarmunu i laho mangondihon hamu dohot mangalehen hamonangan di hamu maralohon musumunu. Ulang ma baen hamu pangalaho na so tama na mambaen marbalik Tuhan sian hamu.”

PANGARATAION 28:10

Jadi gabe idaon ni bangso na satano on ma na dung dipili Tuhan ho gabe bangsoNia, jana mabiar ma halahi mida ho.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.