JEREMIA 14:7 - BIBEL JAMITA NA DENGGAN

⁷ Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEREMIA 14:7 ပူးပေါင်းရင်းမြစ်များ

ESRA 9:15

O Tuhan Debata ni Israel, na tigor do Ho, haru songon i pe laing dipadiar Ho do hami mangolu. Hami oku ma hasalaannami tu Ho; nada marhak hami ro tu parmiananMu.”

MASMUR 115:1

Nada hami ale Tuhan, nada hami, tapi hum Ho sajo do angkon dipuji, angke setia do Ho jana tongtong manghaholongi.

MASMUR 25:11

Tuhan, songon janjiMi ampuni ma au, angke bahat situtu do dosangku.

MASMUR 79:9

Ale Debata, sipaluanami, urupi ma hami hara ni goarMu na godang i. Sesa ma angka dosanami, palua ma hami hara ni goarMi.

JESAYA 48:11

Hubaen on hara ni Au sandiri do, nada Hupadiar goarKu dipalayas martilako. Indangkan na ra Au mambagi hasangapanKi; nampunangKu do i, Au sandiri do nampuna i.”

JESAYA 59:12

Tutu, bahat do hasalaannami maradopkon Ho; angka dosanami pasalahon hami. Satutuna sadar do hami di hajahatannami, dohot di sude dosa-dosa nami.

JEREMIA 10:19

Mangangguk ma halak Jerusalem, “Banga do bugangnami jana nada be tarpamalum. Najolo hami ambang do tartaon hami parkancitan on, hape aha soada.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEREMIA 5:25

Tapi angka dosamunu i ma na mangambat sandok na denggan i gabe nada didai hamu.

JEREMIA 5:6

I ma dalanna gabe soroon ni singa na sian harangan halahi, jana diparsuragehon ni sorigala na sian padang halongonan. Humadeap ma angka angguliman manjalahi soroanna di bagasan angka kota ni halahi, jana sanga ise na ruar sian bagasna soroanna noma i. Patunda ni na dung bahat do halahi mardosa umbaen na tarjadi sudena i, jana marpupu halahi manghudukkon Debata.

JEREMIA 8:14

“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.

JEREMIA 8:5

Hape anggo hamu bangsongKu, biasi ditadingkon hamu Au, jana nada ra mulak tu Au? Ditulak hamu do Au jana togu hamu marsitiopan tu gana-ganaanmunu i!

JEHESKIEL 20:14

Tapi nada tulus Hupalalu hara ni na manjago sangap ni goarKu anso ulang marlayas goarKu dibaen angka bangso-bangso na marnida Au maroban Israel ruar sian Mesir.

JEHESKIEL 20:22

Tapi nada Hupalalu songon i laho manjago anso ulang marlayas goarKu dibaen bangso na marnida Au maroban Israel ruar sian Mesir.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

HOSEA 5:5

Torang do tarida bulbul ni bangso Israel jana i ma tanda ni hajahatan ni halahi. Dosa ni halahi do mambaen tartuktuk lalu tinggang Efraim, jana dohot do bangso Juda tinggang rap dohot halahi.

HOSEA 7:10

Tarida ma tangkas haginjangon ni roha ni Israel, jana gabe bukti ni hasalaan ni halahi ma i. Haru pe madung tarjadi sudena i, laing na so ra muse do halahi mulak tu Au, Tuhan Debata ni halahi.

AMOS 7:2

Dompak dipapangani angka siapor i sude suan-suanan na tubu di tano i lopus abis, mangkuling ma au, “Tuhan Debata, lehen ma antong pangampunan! Songon dia ma he baenon ni si Jakob martahan? Nada he na menek do ia?”

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

EPESUS 1:12

boti anso hita na dung parjolo mararop ni roha tu Kristus i, mangolu laho mamuji Debata hara ni hagodanganNia i!

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

PANGARATAION 32:27

Tapi nada musuna marginjang ni roha songon na maropuk bangsongKu patundana, angke hum Au, Au sajo do da na mangabiskonsa.

JOSUA 7:9

Tarbege ma pangalaho on tu angka halak Kanaan dohot tu sude angka jolma na asing. Hobuhon ni halahi ma hami jana bunuonna ma hami sudena! Dung i aha dope sibaenonMu laho mampartahankon padenggankon goarMu na sangap i?”