JEREMIA 14:3 - BIBEL JAMITA NA DENGGAN

³ Angka pangoloi ni halak na mora disuru manjalahi aek sun tu dia; kehe halahi tu angka sumur hape aek madung abis sudena. Rumar ma parmuhatan na nioban ni halahi muli. Mardongan ganggu dohot dele ni roha ditutupi halahi bohina tanda ni arsakna.

JEREMIA 14:3 ပူးပေါင်းရင်းမြစ်များ

2 SAMUEL 15:30

Dung salpu i, dibuka si Daud ma sipatunia. Manangkok ma ia dohot halahi sude lalu tangis di Dolok Zetun, jana martujung-tujung ulu ni halahi tanda ni arsak ni roha.

2 SAMUEL 19:4

Digupgupi raja i ma bohina jana mangangguk mangandungi, “O anakki! Anakku si Absalom! Si Absalom anakki!”

1 RAJA-RAJA 17:7

Nada sadia honok mahiang muse ma anak ni batang aek i, hara ni na so ro udan.

2 RAJA-RAJA 18:31

Ulang patangi-tangi hamu si Hiskia. Au raja Asur mamarentahon tu hamu anso ruar hamu sian kota i, menyerah ma hamu. Panganonmunu ma muse batu ni anggur sian kobunmunu sandiri, hatonggihononmunu ma batu ni anggur sian suan-suananmunu sandiri, jana inumonmunu ma aek sian sumurmunu sandiri,

ESTER 6:12

Dung i mulak ma si Mordehai tu pintu horbangan ni bagas godang i. Tapi anggo si Haman diompoti ia noma mulak. Nada ringkot rohania diida halak hara ni santakna ila ni rohania, jadi gabe ditutupi ia ma bohinia i.

JOB 6:20

Hape sayang boti arop ni rohana i di topi batang aek na so maraek i.

MASMUR 109:29

Padiar ma angka musungku dilingkup habilean, jana hahaila manggupgupi halahi songon bulusan.

MASMUR 40:14

Padiar ma halak na giot mamunu au ditaluhon jana maporus so diboto tondongonna. Padiar ma ditulak jana marbile halak na manggorai bagianku.

JEREMIA 14:4

Nada ro udan jana tano mahiang mangkarogang; digupgupi partani bohina patunda ni arsakna.

JEREMIA 15:18

Biasi dehe sai torus au marhancit? Biasi banga gasangku jana nada marnamalum? Betak na giot lebak do au baenonMu songon batang aek na mahiang di ari logo?”

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JEREMIA 2:37

Tarhirim ma hamu manadingkon Mesir hara ni ilana. Au Tuhan, madung manulakkon halahi na dipangasahonmunu i; indangkon na dapot hamu sanga na aha untung sian halahi.”

JEREMIA 20:11

Tapi Ho do ale Tuhan donganku; na sun gogo do Ho boti barani. Muli madabu jana abis gogo do halahi angka na manyompiti ngolungku. Maila ma halahi sapanjangna sundat ma sude sangkapna. Paingot-ingoton ma samatua habileon ni halahi sudena.

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

ANDUNG 4:4

Nada dipasusu be dakdanak na menek, gabe mate nguasan ma. Mangido mangan angka dakdanak, tapi nada adong mangalehensa.

HOSEA 2:3

Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

JOEL 1:20

Salang binatang riar pe angka na di harangan, pio-pio do tu Ho mangido partolongan. Nada be margogo halahi pasombu nguasna, angke mahiang do angka batang aek sasudena.

AMOS 4:7

Au do na mangantak ulang ro udan di na porlu situtu maraek suan-suananmunu. Huparo udan tu kota na sada, tapi tu kota na asing nada. Ladang na sada por udan, hape ladang na asing halogoan.

AMOS 4:8

Di deba kota ma pola gale halakna hara ni na manguas, manjalahi aek tu kota na asing, hape nada tuk aek na disi. Haru pe songon i, laing na so mulak do hamu tu Au.

ZAKARIA 14:17

Muda adong bangso na so ra kehe tu Jerusalem laho marsomba tu Raja, Tuhan Na Markuaso i, gabe nada ro be udan di luat ni halahi.