JEREMIA 14:22 - BIBEL JAMITA NA DENGGAN

²² Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEREMIA 14:22 ပူးပေါင်းရင်းမြစ်များ

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

1 RAJA-RAJA 17:14

Harana pandok ni Tuhan, Debata na nisomba ni halak Israel i do, anggo mangkuk i laing hot do marisi topung, jana botol i pe laing tongtong do marisi miak lopus dapot hatihana tongoson ni Tuhan udan tu tano on.”

1 RAJA-RAJA 18:1

Dung adong sadia honok, di taon patoluhon ari logo i, didok Tuhan ma tu si Elia, “Kehe ma ho mangadop tu Raja Ahab, paroonKu ma naron udan.”

1 RAJA-RAJA 8:36

sai tangihon ma i di banua ginjang. Sai sesa ma angka dosa ni bangsoMu Israel dohot raja ni halahi. Ajari ma halahi mambaen na tigor. Dung i ale Tuhan paro ma udan di luatMon, luat na dung nilehenMu tu bangsoMu gabe teanan ni halahi ro di salolot ni lolotna.”

JOB 28:26

di na nitontuhonNia inganan hadabuan ni udan, dohot dalan siboluson ni hilap dohot ronggur;

JOB 5:10

Diparo Ia udan tu tano, mandurus ladang mambornok padang.

MASMUR 130:5

Sai tarpainte do au di pangurupion ni Tuhan, jana tu hataNia do au marhaposan.

MASMUR 135:7

Sian ujung ni portibi diparo Ia ombun dibaen Ia hilap mardongan udan. Dung i diparentahon Ia tu haba-haba anso ruar be sian panyimpananna.

MASMUR 147:8

Ia do pahembangkon ombun di ginjang an, parohon udan di tano jana patubu duhut di dolok.

MASMUR 25:21

Sai hadengganan dohot hatigoran ma mangondingi au, angke Ho do pos ni rohangku.

MASMUR 25:3

Sai na pataluon do sanga ise halak na manjehei Ho, na pasti monang do halak na manghaposi Ho.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 30:23

Muda manyabur same hamu, tongoson ni Tuhan ma udan anso tubu same i jana mangalehen suha marlompit ganda. Di pahan-pahananmunu pe rade ma bahat jampalanna.

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”

JEREMIA 10:12

Ditompa Tuhan do portibi marhite kuasoNia; marhite hamaloanNia digana Ia tanoon; dipahembang Ia langit marhite hapistaranNia.

JEREMIA 10:13

Hum parenta do dilehen Ia, gumadobur ma aek ni parlangitan dipanaek Ia ombun sian ujung ni tano on. Dibaen Ia hilap na margurasa di bagasan udan, ditongos Ia alogo sian panyimpananna.

JEREMIA 10:15

Nada mararga angka gana-ganaan i, sipalayason jana sipabileon do i. Di hadudumpang ni hatihana mago ma halahi sudena.

JEREMIA 10:3

Saotik pe nada adong guna ni ugamo ni angka bangso i. Ditaba halahi hayu di harangan, jana dipatukangkon halahi ma i tu tukang hayu. Dikarejohon ia ma i gabe patung gana-ganaan;

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 5:12

Madung mangalo bangso ni Tuhan maradopkon Tuhan i. Didok halahi, “Tole ma da, nada pola baenonNia bagi aha. Nada pola hona parmaraan hita jana nada pola songgop tu hita porang sanga haleon.

JEREMIA 5:24

Nada unjung diingot hamu laho pasangapkon Au, hape Au do nian na manongos udan, mamungka sian bona ni ari nonat lopus tu ujungna; laing Au muse do na mangalehen masa ni sabion di hamu ganop taon.

JEREMIA 51:16

Hum parenta do dilehen Ia, mardorom ma aek di awang-awang sian ujung ni tano on marroan angka ombun dibaen Ia. Dibaen Ia mamincar porkas di bagasan udan, ditongos Ia alogo sian panyimpananna.

HOSEA 2:7

Kojaronnia ma angka haholongan ni rohania i, tapi nada dapot ia halahi. Jalak-jalahannia ma halahi, tapi nada dumpang ia halahi. Dung i dokkononnia ma, “Mulak noma au tu halaklahingKu na parjolo i; dumenggan do au na salpu i ulang pado saonnari.”

JOEL 2:23

Ale rayat ni Sion, marjop ni roha ma hamu! Marmoga-moga jana marsurak-surak ma hamu, hara ni sude denggan basa na sian Tuhan Debatamu! Di hatiha musim gugur tuk dilehen Ia udan di hamu. Di musim ngali diduruskon Ia udan, dohot di hatiha ni sabion laing songon na salpu.

AMOS 4:7

Au do na mangantak ulang ro udan di na porlu situtu maraek suan-suananmunu. Huparo udan tu kota na sada, tapi tu kota na asing nada. Ladang na sada por udan, hape ladang na asing halogoan.

MIKA 5:6

Halak Israel na teba i, gabe songon ombun na lambok ma i sian Tuhan maradopkon angka bangso na bahat, jana songon parro ni udan tu suan-suanan. Marpangunsandean ma halahi tu Debata, jana nada be tu jolma.

MIKA 7:7

Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

PANGARATAION 28:12

Paroon ni Tuhan ma udan di hatihana sian inganan panyimpananna na bubung di langit. PasupasuonNia ma sude karejomunu, jana gabe tarbaen ho ma painjamkon tu bahat bangso tapi indangkon sai manginjam ho sanga na sian ise.

PANGARATAION 32:21

Patung na nipele ni halahi do mambaen muruk Au, tu na nigoaran ni halahi debata mangiburu Au, debata na so tutu Debata. BaenonKu ma sada bangso anso mangiburu halahi muruk tu bangso ni angka jolma na bodo i satutuna nian bangso na so adong do i.