JEREMIA 14:21 - BIBEL JAMITA NA DENGGAN

²¹ Ulang ma tulakkon hami hara ni goarMu jana ulang ma pabile habangsa hamuliaonMu Ingot ma janjiMu tu hami, ulang ma nian sundati i.

JEREMIA 14:21 ပူးပေါင်းရင်းမြစ်များ

MASMUR 106:40

Muruk Ho dibaen bangsoMi, magigi Ho maradopkon halahi.

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 145:11

Pagodangon ni halahi ma kuasoMu songon raja, jana baritahononna ma pambaenanMu na marsahala.

MASMUR 25:11

Tuhan, songon janjiMi ampuni ma au, angke bahat situtu do dosangku.

MASMUR 51:11

Ulang ambungkon au sian adopanMu, jana ulang buat tondiMu na badia i sian au.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

JESAYA 62:6

Madung hubaen halak di tembok ni Jerusalem; nada jabat maradian jagoan ni halahi do ho arian na borngin. Angkon sunggulan ni halahi do Debata di janji na dung dibaenNia di Sion.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEREMIA 17:12

Habangsa hamuliaan, sangap do sian mulana, inganan na badia di hita!

JEREMIA 3:17

Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

ANDUNG 1:10

Dirampas angka musuna sude sinadonganna; diida ia halahi masuk tu Bagas Ni Debata, haru pe diorai hian mambaen na songon i di halak na so masuk bangso ni Tuhan i.

ANDUNG 2:20

Ligi ma ale Tuhan, pareso ma angka na niparkancitanMi! Dipangan ina do anak haholongan ni rohana, malim dohot panurirang hona bunu di Bagas Ni Debata.

JEHESKIEL 20:22

Tapi nada Hupalalu songon i laho manjago anso ulang marlayas goarKu dibaen bangso na marnida Au maroban Israel ruar sian Mesir.

JEHESKIEL 24:21

Dokkon ma tu halak Israel; songon on do didok Tuhan Debata satutu-tutuna pahodaronKu ma inganan parbadiaanKu, kuaso na dipangasahonmu, hasonangon ni matamu dohot rohamu; dohot anakmu halaklahi dohot dadaboru na nitinggalkonmu angkon mate rumpak dibaen podang.

JEHESKIEL 39:25

Didok Tuhan Debata i ma, “Tapi anggo saonnari haholonganKu noma halak Israel pomparan ni si Jakob i, jana baenonKu halahi sonang mangulahi. Jadi songon i ma Hubaen manjago anso laing tongtong dipasangap goarKu.

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

DANIEL 9:7

Ale Tuhan, sai tongtong denggan jana tigor do pambaenanMu, tapi anggo hami sai tongtong do mambaen tilako tu dirinami, i ma hami sude na maringanan di Juda dohot di Jerusalem maradu sude dongannami sabangso na nipaserakMu tu angka luat na dao dohot na donok hara ni na so unduk halahi tu Ho.

HAMALIMON 26:11

Rap do Au dohot hamu di bagasan Bandar Na Badia, jana nada unjung Hutinggalkon hamu.

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

LUKAS 1:72

Anso markite-hite i ma dipatuduhon Ia haburjuon ni rohaNia tu angka ompunta jana digohi Ia do janjiNia na badia i.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

EPESUS 2:7

Dibaen Debata pe na songon i, anso diida jolma i do sanga na bia godangna hadengganon ni rohaNia di hatiha na giot ro, i ma na nipatidahonNia tu hita markite-hite Kristus Jesus.

PANGARATAION 32:19

Marnida pangalaho ni angka dakdanakNa, muruk Tuhan jana manulakkonsa.

HALUMBAAN 11:2

Tapi anggo alamanna i ulang pola suhat, angke anggo alaman ni Bagas Na Badia i madung dipasahat i tu angka jolma na so mananda Tuhan. Lonca-loncaon ni halahi ma Kota Na Badia i opat pulu dua bulan honokna.

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.