JEREMIA 14:20 - BIBEL JAMITA NA DENGGAN

²⁰ Ale Tuhan, hami oku do dosanami dohot dosa ni ompunami. Tutu madung mardosa hami tu Ho.

JEREMIA 14:20 ပူးပေါင်းရင်းမြစ်များ

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

2 SAMUEL 24:10

Tapi dung sidung si Daud na mangetong bangso i, dihilala ia ma na marsala ia, gabe didok ia ma tu Tuhan, “Madung mambaen dosa au! Ale Tuhan, ampuni ma au, angke karejo na oto do na hubaen on.”

JOB 33:27

Jadi mandok hata ma ia di jolo ni halak na bahat, ‘Denggan do huetong na jahat, pardosa godang do anggo iba hape nada diuhumi Debata anggo iba.

MASMUR 32:5

Jadi gabe huoku dosangku tu Ho, nada adong hubunihon hasalaanku tu Ho. Diputuskon rohangku do mangoku i tu Ho, gabe diampuni Ho sude dosangku tu Ho.

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEREMIA 3:13

Sandok okui sajo ma paboa na marsala dohot na dung mangalo ho tu Tuhan, Debatamu. Okui ma na dung dipataridahon ho holong ni rohamu maradopkon debata ni angka bangso na asing di toru ni ganop hayu na rumbun, dohot na so dioloi ho angka na Huparentahon. Au, Tuhan, madung mandok songon i.”

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

JEREMIA 8:14

“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.

ANDUNG 1:20

O ale Tuhan! Parrohahon ma au, sak do rohangku jana mabiar; magopu hara ni dosangku. Di angka dalan masa mamunu jolma di bagasan bagas, jolma marmatean muse ma.

ANDUNG 3:42

“Mardosa do hami jana mangalo tu Ho, ale Tuhan, jana nada dilehen Ho ampunan.

ANDUNG 5:7

Mardosa ompunami, saonnari nada adong be halahi; jana hami on ma angkon manaonsa, angka dosa na nibaenna.

DANIEL 9:15

Ale Tuhan Debatanami, madung dipatuduHon Ho kuasoMu marhite na maroban bangsoMi haruar sian Mesir, jana laing siingoton do tongtong kuasoMi. Madung mardosa hami jana mambaen hasalaan.

AMOS 7:2

Dompak dipapangani angka siapor i sude suan-suanan na tubu di tano i lopus abis, mangkuling ma au, “Tuhan Debata, lehen ma antong pangampunan! Songon dia ma he baenon ni si Jakob martahan? Nada he na menek do ia?”