JEREMIA 14:2 - BIBEL JAMITA NA DENGGAN

² “Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

JEREMIA 14:2 ပူးပေါင်းရင်းမြစ်များ

JOB 34:28

Patunda ni halahi gabe holsoan angka na pogos, ditangihon Debata andung-andungna.

MASMUR 144:14

Sai mamopari ma angka lombunta, jana ulang adong nian na tarposo sanga na marmagoan. Sai ulang nian adong na habegean holsoan tu pandelean di angka dalan na di kotanta.

HARURUAR 2:24

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob.

JESAYA 15:5

Ibo do rohangKu mida Moab! Mangungsi noma halak kota i tu Zoar dohot tu Eglat Selisia. Adong ma deba na manangkok di dalan na tu Luhit laing tumatangis; adong na marlojong tu Horonaim laing gogo mangangguhi.

JESAYA 24:11

Marsurak-surak ma angka jolma di dalan-dalan i hara ni na abis anggur. Madung mago jop ni roha salolot-lolotna, jana hamogaan lintop sian sisik ni tano on sudena.

JESAYA 24:4

Mahiang ma tano on jana malos, marhancit sude portibi on. Rap marhancit ma langit dohot tano on.

JESAYA 24:7

Marsingkor bona ni anggur jana maol ma dapot aek ni anggur. Halak na marjop ni roha di hatiha na salpu, saonnari gabe marsak.

JESAYA 3:26

Markutondo ma halak jana mangandungi di angka horbangan ni kota, jana kota i pe tudos ma tu anak boru na nipasalang na juguk di tano.

JESAYA 33:9

Ditadingkon ma luat gabe mamolngit. Malos ma angka tombak Libanon, Rura Saron na napu i gabe songon padang halongonan. Mardabuan angka bulung-bulung ni hayu na di Basan dohot Dolok Karmel.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

JEREMIA 11:11

Patunda ni i, Au Tuhan, madung Hupaingot bahaso na giot paroonKu hamamago tu halahi, jana nada tarbaen halahi pasidingkonsa. Muda pio-pio halahi mangido tolong tu Au, nada ra Au manangihonsa.

JEREMIA 12:11

Olo, madung Huida halahi mambaen tanongKu inganan na lungun di adopanKu. Madung buang sudena jana nada adong be na marningot.

JEREMIA 12:4

Sadia honok nari mahiang luat on jana malos duhutna i di sandok ladang? Marmatean angka unggas dohot binatang na asing i patunda ni hajahatan ni bangsonami. Didok halahi, “Nada diida Debata pambaenanta.”

JEREMIA 18:22

Suru ma tompu ro angka panyamun tu bagas ni halahi anso mangangguhi halahi hara ni songgotna. Madung dihuar halahi godung anso madabu au tu bagasan, jana ditaon halahi jorgong laho manangkup au.

JEREMIA 4:28

Hara ni i marsak ma portibi golap sajo ma langit i. Madung didok Tuhan i, jana indangkon na muba be sangkapNia. Madung dibaen Ia haputusanNia jana nada sumurut be Ia hum salangka.

JEREMIA 46:12

Na dung tarboto do tu sandok bangso hahaila na tarjadi di hamu. Tarbege do sora ni pangararmunu tu sude portibi on. Martondong do tentara na sada tu donganna jana gabe rap tungkap halahi tu tano.

JEREMIA 8:21

Magopu rohangku hara ni hancit ni nyae ni bangsongku, marsak jana mandele rohangku.

ANDUNG 2:8

Madung putus di roha ni Tuhan anso tarbaen Ia manyegohon Sion i sudena. Angka tembok dohot palas-palasna, ma pola gabe maropuk i sudena.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

ANDUNG 5:10

Marun pamatangnami hara ni na malean, milas huling-hulingnami songon na di parapian.

HOSEA 4:3

Jadi hara ni i gabe mahiang ma luat on, jana mate noma sandok na mangolu disi. Susa ma sude ragam ni binatang na di awang-awang, na di darat dohot na di laut.”

JOEL 1:10

Tarulang angka ladang jana marhancit, hauma pe marsak boti sai susa; dibaen gandum madung sude, mahiang bona ni anggur umpe marbatu be, miak pe ma giot abis.

JOEL 1:11

Angka partani gabe maila parkobun anggur pe tama tangis! Angke mangabis gandum dohot eme darat taru hais, jana parbatu sibuaton pe madung dangis.

JOEL 1:14

Parentahon bangsomi anso puaso, patupa hamu ma sada ari parpunguan bolon! Ontang ma angka pamimpin maradu hatobangonna maradu sude angka na maringanan di luat on, anso marroan tu Bagas Ni Tuhan Debata, laho martangiang jana pio-pio mangido tolong tuSia.

JOEL 2:6

Muda mandonok halahi, sude halak mabiar, sude tompana langan jana lombam.

HAGAI 1:11

Ma pola Huparo hahiangon tu tano dohot tu angka dolok-dolok, tu angka gandum dohot angka kobun anggur maradu tu angka kobun zetun, dohot tu sude na tubu di tano on, salang tu jolma pe tehe dohot pahan-pahanan maradu sude na nikarejohon ni tanganmunu.”

ZAKARIA 7:13

Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

1 SAMUEL 5:12

Angka halak na so mate, hona ma na baro-baroon i, jadi gabe mangangguhi ma halahi tu angka debata ni halahi mangido tolong.

1 SAMUEL 9:16

“Ancogot manyogot tarsongonon arina, suruonKu do sahalak sian Marga Benyamin mandapotkon ho. Miahi ma ia gabe raja di bangsongKu Israel. Paluaonnia ma bangsongKi sian halak Pilistin. Madung Huida sitaonon ni bangsongKu jana madung Hubege partangis ni halahi mangido tolong.”