JEREMIA 14:14 - BIBEL JAMITA NA DENGGAN

¹⁴ Tapi dialusi Tuhan ma, “Hata gabus do na dihatahon ni angka panurirang i mangasahon goarKu; nada Au marsuru halahi, jana nada adong Huparentahon tu halahi sanga manghobari Au tu halahi. Nada sian Au angka parnidaan na dihatahon ni halahi i; angka pangalaho na so marguna do na nilumbahon ni halahi i, i ma sian tubu-tubu ni rohana sandiri.

JEREMIA 14:14 ပူးပေါင်းရင်းမြစ်များ

JESAYA 56:10

angke angka na mapitung do anggo pamimpin ni bangsongKu! Nada diboto halahi bagi aha. Songon anjing panjago na so martunggu do halahi, tapi na modom sajo do halahi.

JESAYA 9:15

Uluna, i ma bagian hatobangon dohot halak na marsangap; ihurna, i ma angka panurirang na mangalehen angka pangajaran na mangaliluhon!

JEREMIA 20:6

Jana ho ale Pashur rap dohot isi ni bagasmu laing tangkuponna ma ho jana obanonna tu Babel. Disi ma ho mate jana ditanom; laing songon i ma sude donganmu na manangihon angka gabus na nipardokkonanmi.’ ”

JEREMIA 28:11

Didok ia ma di jolo ni sude rayat na adong disi, “Pandok ni Tuhan songon on ma pamonggolNia di auga na nibaen ni Raja Nebukadnesar di tangkuhuk ni sandok bangso; di bagasan dua taon on, baenon ni Tuhan ma songon i.” Dung i kehe muse ma au.

JEREMIA 28:13

kehe tu si Hananya mandok songon on, “Pandok ni Tuhan, ‘Madung ditipulhon ho auga hayu, tapi baenonKu ma auga bosi songon gontina!’

JEREMIA 28:15

Hupalalu do sudena i tu si Hananya, jana hudok muse dope, “Tangihon ma ale Hananya! Nada Tuhan marsuru ho, jana madung dibaen ho bangso on porsaya tu hata na so tutu.

JEREMIA 29:21

Madung didok Tuhan Na Markuaso i Debata ni Israel taringot tu si Ahab anak ni si Kolaya, dohot taringot tu si Zedekia anak ni si Maaseya na mamake goar ni Tuhan laho palaluhon tu hamu angka pangalaho na so tutu. Didok Tuhan do na giot pasahatonNia halahi tu toru ni kuaso ni si Nebukadnesar raja ni Babel, na giot mamunu halahi di jolo ni matamunu.

JEREMIA 29:31

manongos barita taringot tu si Semaya tu sude halak na dibuang di Babel. Songon on ma barita i, “Au Tuhan, uhumonKu ma si Semaya dohot sude pomparanna. Nada Au marsuru ia, hape mandok hata ia tu hamu songon na tutu ia panurirang; jana dibaen ia hamu porsaya tu angka pangalaho na so tutu. Sahalak pe sian pomparannia nada tola be tinggal di tonga-tongamunu. Hara ni na disuru si Semaya hamu mangalo Au, jadi nada honok ia mangolu laho paida-ida angka na denggan na giot patupaonKu di sude bangsongKu. Au Tuhan, madung mandok songon i.”

JEREMIA 37:19

Di dia dehe angka panurirang ni raja i na mandok na so ro raja ni Babel manyerang raja i dohot luat on?

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

JEREMIA 8:10

Patunda ni i na giot pasahatonKu noma ladang ni halahi tu tuan partano na asing, dohot angka dadaboru ni halahi tu halak na asing. Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim dohot do manggabusi halak.

JEREMIA 8:11

Marlayas ni roha do halahi hatiha mangubati bugang ni boru ni bangsongKu, ning halahi, ‘Hasonangan, hasonangan!’ Tapi nada adong hasonangan.

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

JEHESKIEL 12:24

Di Israel, nada adong be ro parnidaan sanga alatan gabus.

JEHESKIEL 13:2

“Ale anak ni jolma, gorahon ma angka panurirang ni Israel na mandok alatan sian tubu-tubu ni rohana sandiri. Tangihon ma hata ni Tuhan.”

JEHESKIEL 13:23

Anggo saonnari marujung noma angka parnidaan gabus dohot angka alatanmunu na so tutu i. PaluaonKu ma bangsongKi sian gogo ni hajahatanmunu. Jadi gabe botoonmunu ma bahaso Au do Tuhan.”

JEHESKIEL 21:29

Gabus do parnidaan na niidamunu jana buras dohot bungkak do alatan na nipajojormunu. Na jahat do hamu jana na so hasaya jana madung donok hatihana manjagit uhuman na parpudi hamu. Ponggolkonon ni podang i ma rungkungmunu.’

MIKA 3:11

Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

ZAKARIA 10:2

Mangido angka panogu-noguon do halak tu angka gana-ganaan dohot angka datu, hape anggo alus na dapot ni halahi hum gabus do dohot hata na rumar sajo. Adong ma i na patorangkon nipi, hape na palilu-liluhon hamu sajo do hatorangan ni halahi, jana apo-apo na nilehen ni halahi pe nada adong artina. Patunda ni i gabe marserak ma jolma i songon biri-biri na lilu. Targogot do halahi hara ni na so adong pamimpinna.

ZAKARIA 13:3

Jana betak sai adong dope antong jolma na mandok, na palaluhon tonangKu ia, amangnia sandiri dohot inangnia mandok tusia angkon marutang hosa ia niuhuman, angke gabus do na nidoknia i. Muda laing dipupu ia do mandok panurirang ia, tihamon ni amang dohot inangnia sandiri noma ia lopus mate.

PANGARATAION 18:20

Tapi muda adong sada panurirang na puluk palaluhon tona mamake goarKu, hape nada na Husuru ia mambaen songon i, angkon mate do ia hara ni pangalahona i, laing songon i muse do angka panurirang na manghatahon hata ni debata na asing.

1 TIMOTEUS 4:2

markite-hite lancap-lancap ni angka na manghobarkon gabus, angka na martihas di taroktokna.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.