JEREMIA 14:11 - BIBEL JAMITA NA DENGGAN

¹¹ Didok Tuhan ma tu au, “Ulang pangido Au mangurupi angka jolma i.

JEREMIA 14:11 ပူးပေါင်းရင်းမြစ်များ

HARURUAR 32:10

Jadi padiar ma anso marpiar-piar murukKu tu halahi anso Hupasude halahi; tapi anggo ho Hubaen pe gabe bangso na godang.”

JEREMIA 11:14

Jadi hara ni i ale Jeremia, ulang tangiangkon halahi sanga mangido tolong tu Au salaho tu halahi! Muda susa halahi jana mangido tolong tu Au, nada tangihononKu be halahi.”

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 7:16

Didok Tuhan, “Ale Jeremia, ulang tangiangkon angka jolma on. Ulang mangido tolong sanga ditangiangkon ho salaho tu halahi: Ulang sosak-sosak Au angke nada ra Au manangihon pangidoanmi.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.