JEREMIA 13:23 - BIBEL JAMITA NA DENGGAN

²³ Bisa ma he digonti halak Etiopia kulitna sanga babiat pauba bolangna? Bisa ma he hamu mambaen na denggan, hamu angka na dung somal mangkarejohon hajahatan?

JEREMIA 13:23 ပူးပေါင်းရင်းမြစ်များ

2 RAJA-RAJA 17:40

Tapi nada ra halak Samaria i manangihon, laing sai marsitiopan tu adat hasomalanna do halahi.

PODA 27:22

Haru nigogoan pe mambalbal halak na oto, nada gabe ruar habodoonna sian dirina.

PARJAMITA 1:15

Na peol nada tarpatigor, jana na so adong nada taretong.

JESAYA 1:5

Biasi dope he angkon sai manggagai hamu? Adong he na giot baenon dope uhuman na umborat tu hamu? Ma sap sude ulumu baro-baroon, rohamu pe dohot pikiranmu marnyae.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

JEREMIA 2:22

Haru pe dipaias ho dirimu dohot aek abu, dohot sabun na marlobi-lobian, tapi hasalaanmi torus do i haidaan di Au, ninna Tuhan Debata.

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

JEREMIA 9:5

Marsigabusan sudena nada adong marhata na tigor; somal do pamanganna i mamburas nada ra halahi manadingkon dosana. Hakejaman mardapot hakejaman, gabus tu gabus sai torus ma i dipambaenan, ditulakkon halahi do Tuhan.

1 SAMUEL 19:21

Dung lalu barita i tu si Saul, disuru ia muse ma angka suruan na asing jana halahi pe laing dohot ma manortori dohot marsurak-surak. Patolunolihon disuru si Saul ma angka suruanna jana laing tarjadi ma na songon i dohot tu halahi.