JEREMIA 13:19 - BIBEL JAMITA NA DENGGAN

¹⁹ Hona hobuk do angka kota ni Juda na di Selatan, jana nada adong na tarbaen luncat sian panghobuk ni musu i. Madung diayak sandok halak Juda tu habuangan.”

JEREMIA 13:19 ပူးပေါင်းရင်းမြစ်များ

2 RAJA-RAJA 25:21

na di Luat Hamat. Disambok ma halahi disi lalu dibunu. Songon i ma angka halak Juda i dioban sian tano ni halahi tu habuangan.

1 JUJUR TAON 9:1

Tarsurat do sude halak Israel mangihutkon horongna be. Tarsurat do i di bagasan Buku Raja-raja Ni Israel. Dioban do rayat ni Israel tu habuangan laho manguhumi halahi hara ni dosana.

JOB 12:14

Sanga aha na nibungkarNia nada be tarpajongjong mangulahi, sanga ise na nitabanNia nada be tarpaluai.

JEREMIA 17:26

Marroan ma angka jolma sian kota na di Juda dohot sian angka pagaran na humaliang Jerusalem; marroan ma halahi sian tano Benyamin, sian luat na di lereng ni dolok, sian luat pardolok dohot sian Juda na di Selatan. Obanon ni halahi ma tu Bagas Ni Tuhan angka haul situtungon, na giot situtungon dohot na so situtungon, songon i muse gandum sihaulkonon dohot hamonyan, maradu haul hatarimakasion.

JEREMIA 20:4

Tuhan sandiri mandok, ‘BaenonKu ma ho gaor di bagasan dirimu sandiri dohot di angka donganmu. Idaon ni matamu ma halahi bunuon ni musu ni halahi. PadiaronKu ma sude halak Juda patunduhon ni Babel; haldungonna deba sian halahi gabe taban tu Babel jana tebana i mate niuhuman.

JEREMIA 24:1

Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

JEREMIA 28:4

ObanonKu muse ma si Joyakin anak ni si Joyakim raja ni Juda i rap dohot sude rayat ni Juda na hona oban tu Babel. Satutuna do, tipulkononKu ma hagogoan ni Babel. Au Tuhan, madung mandok songon i.”

JEREMIA 32:44

Manobusi kobun ma jolma dohot perak, tekenon do surat tobusna, marsegel, jana dipagomos angka saksi. Di tano Benyamin ma tarjadi na songon i, di angka huta na menek-menek humaliang Jerusalem di angka kota ni Juda, dohot di angka kota na di luat partoran, di luat na di rereng ni dolok, dohot di tano Negeb. PasuangonKu do pangalaho ni bangso on di luat on. Au Tuhan madung mandok songon i.”

JEREMIA 33:13

Di angka kota na di tano partoran di pat ni angka dolok, di tano Negeb, dohot di Luat Benyamin dohot di angka huta na adong humaliang Jerusalem, dohot di angka kota na di Juda, etongon ni halak ma bilangan ni angka biri-biri ni halahi. Au Tuhan, madung mandok songon i.”

JEREMIA 39:9

Ujungna angka rayat na tinggal dope di kota i dohot angka halak na dung sanga lari tu pihak ni halak Babel, dioban si Nebusaradan komandan ni tentara ni Babel i ma halahi tu Babel.

JEREMIA 52:27

na di tano Hamat. Diparkanciti ma halahi disi lalu dibunu. Songon i ma dioban halak Juda i sian tano ni halahi lalu tu habuangan;

JEREMIA 52:28

4.600 halak sudena. Marombas-ombas do halahi dioban si Nebukadnesar: 3.023 halak ma di taon papituhon dung mangarajai ia, 832 halak sian Jerusalem di taon pasalapan bolaskon dung raja ia, jana 745 halak na nioban ni si Nebusaradan di taon padua pulu toluhon dung mamarenta si Nebukadnesar.

ANDUNG 1:3

Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

ZAKARIA 7:7

Nada he on ma hata ni Tuhan na nipalalu marhite angka panurirang na jolo, hatiha Jerusalem dohot angka kota na humaliangna diingani angka jolma di bagasan sonang, dohot tano Negeb jana dohot luat partoran laing di ingani?

PANGARATAION 28:15

“Tapi muda nada dioloi ho Tuhan Debatamunu, jana nada setia ho patuluskon sude parenta dohot uhumNia na hulehen tu ho sadari on, gabe ampe ma tu ho bura na songon on:

PANGARATAION 28:52

Porangan ni halahi ma ganop kota na adong di tano na giot silehenon ni Tuhan Debatamunu i di ho; matolbak ma angka tembok ni kota na nipatogu jana na nipangasahonmunu i.

JOSUA 18:5

Dibagi pitu ma tano i baen di halahi. Anggo Juda torus ma i di Selatan, jana Josep di luat na di Utara.