JEREMIA 13:17 - BIBEL JAMITA NA DENGGAN

¹⁷ Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEREMIA 13:17 ပူးပေါင်းရင်းမြစ်များ

MASMUR 119:136

Mabaor ilungku songon batang aek, hara ni TonaMu na so dipatulus.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

JESAYA 63:11

Jadi gabe tarsunggul ma tu roha ni halahi hatiha narobian; hatiha ni si Musa, naposo ni Tuhan i. Marsapa ma halahi, “Di dia do Ia, na manogu-nogu angka pamimpinta mamolus laut? Di dia do Tuhan na mangalehen kuasoNia tu si Musa?

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JEREMIA 15:17

Sai giot oloanku do Ho, jadi hara ni i nada hupasayang hatihangku dohot-dohotan martata-tata jana margonjak-gonjak rap dohot angka jolma, tapi mamunjung do au mardongan pangkilalaan na muruk.

JEREMIA 17:16

Tapi ale Tuhan, na so unjung do husosoi Ho parohon jaya tu halahi, nada muse por rohangku anso didondoni hasusaan. Diboto Ho do i ale Tuhan. Diboto Ho do sanga aha na hudok.

JEREMIA 22:5

Tapi muda nada dioloi hamu angka na Huparentahon, jadi marsumpa do Au bahaso bagas godang on angkon gabe mangkatapor. Au Tuhan, madung mandok songon i.

JEREMIA 23:1

Marmara ma baenon ni Debata angka pamimpin na mangago dohot na pasarsarkon bangsoNa.

JEREMIA 23:2

Songon on do pandok ni Tuhan, Debata ni Israel taringot tu angka pamimpin na paula-ula manjagohon bangsoNa, “Nada tutu dijagohon hamu bangsongKu, madung dipasarsar hamu halahi jana diayak-ayak hamu do halahini. UhumonKu ma hamunu saonnari hara ni pambaenanmunu na jahat i.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

ANDUNG 1:16

Patunda ni i ma da maraburan iluniba, nada adong na mangalehen gogo dohot pangapoi ni roha. Mago ma sude na adong di bangso i, angke gumodang antong kuaso ni musui.

ANDUNG 1:2

Tumatangis do ia dangol sasaborngin ramram ilu-ilu di hurumna i. Sahalak pe nada adong sian haholongan ni rohana na ra mangapoi ia. Dihianati angka donganna ia na marbalik gabe alona.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

ANDUNG 2:18

Ale angka tembok ni Jerusalem, pio-pio ma tu Tuhan! Marilu-ilu ma hamu songon aek na mabaor borngin bo arian. Torus ma hamu tangis, ulang maradian lopus loja pamatang!

ANDUNG 3:48

Mabakbak ilu ni matangku, hara ni na hona hasegoan bangsongku.

JEHESKIEL 24:16

“Ale jolma parsantongkinan di sada hatiha buatonKu ma jolma hasudungan ni rohamu. Tapi nada tola mangandung sanga tangis ho, sanga pe padiarkon marabur ilumu.

JEHESKIEL 34:31

Tutu ma, hamu do punguan ni biri-biringKu na Hubalanjoi. BangsongKu noma hamu, jana Au Debatamunu. Au Tuhan Debata madung mandok songon i.”

JEHESKIEL 36:38

Angka kota na masego saonnari, gok ma sanolion manginganisa songon Jerusalem di hatiha na salpu na gok dohot biri-biri na dihaulkon di hatiha pesta. Jadi botoonmunu ma Au do Tuhan.”

JEHESKIEL 9:4

Didok Tuhan ma tusia: “Mardalan ma ho sian tonga-tonga ni kota Jerusalem, jana suratkon ma hurup T di ganop bohi ni halak na marsak dohot na susa hara ni sude parbuatan sihagigian na dibaen di kota on.”

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.

1 SAMUEL 15:35

Lopus tu ujung ni ngolunia nada jungada be diida si Samuel raja i. Tapi marsak do si Samuel hara ni na manyosal i Tuhan mambaen si Saul gabe raja.