JEREMIA 13:16 - BIBEL JAMITA NA DENGGAN

¹⁶ Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 13:16 ပူးပေါင်းရင်းမြစ်များ

JOB 3:5

Baen ma ari i mangalomlom, manggolap mambulita, mangarambon jana samon; ombun bope sonja tutupkon tusi, gupgupi muse sian sinondang ni mataniari.

MASMUR 107:10

Adong ma i na puhung di hagolapan na tarhurung di bagasan hasusaan dohot bosi;

MASMUR 107:14

Dioban halahi ruar sian hagolapan; diponggolkon Ia rante ni halahi.

MASMUR 29:2

Puji hamu ma goar ni Tuhan Na Marmulia i marsomba ma hamu tu Tuhan mardongankon habadiaan.

MASMUR 44:19

Hape ditadingkon Ho do hami di bagasan hagolapan, na so margeldok di tonga-tonga ni binatang harangan.

HARURUAR 10:21

Didokkon Tuhan ma tu si Musa, “Angkat ma tanganmu tu langit, gabe golap bulita ma tano Mesir.”

PODA 4:19

Sabalikna, anggo dalan ni halak na jahat golap do songon golap ni borngin. Tinggang ma halahi nada dibotosa sanga hara ni aha.

PARJAMITA 11:8

Dokkon ma tarimakasi muda martamba umurmu. Tapi ingot ma, haru lolot pe ho mangolu di tano on, lumolot dope ari-arimu di bagasan hamatean. Jadi, aha dope lakna siaropon ni rohanta? Parcuma do sudena i jana magopo.

JESAYA 5:30

Anggo di ari i tarbege ma di sude Israel parngiar ni porang sagogo ni ombak ni laut bidang. Ligi da, manggolap ma sudena luat i jana gok hasusaan. Gabe hagolapan marimpot-impot noma na torang i.

JESAYA 59:10

Dadap-dadap do hami songon na mapitung, di torang ni ari pe tartuktuk hami, songon na di potang ni ari jana na juguk di na golap songon halak na mate.

JESAYA 59:9

Ninna bangso i ma tu Debata: “Saonnari hami boto ma biasi inda dipalua Ho hami sian na pasiak-siak hami. Hami painte do hatiuron tapi hagolapon do na ro.

JESAYA 60:2

Angke satutuna, hagolapan do manggupgupi tano on, jana hagolapan manggupgupi angka bangso; tapi songgopan ni sinondang ni Tuhan ma ho, jana hasangapanNia gabe tangkas di ho.

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEREMIA 23:12

Hara ni i, mangalandit jana manggolap noma dalan ni halahi lopus tartuktuk halahi jana tinggang. ParoonKu ma hamamago tu halahi, muda dung dapot hatihana laho manguhumi halahi. Au Tuhan, madung mandok songon i.

JEREMIA 4:23

Manaili ma au adop tano, rumar jana harsang idaon. Mandorgak au adop langit an, nada adong na marsinondang.

JEREMIA 50:6

Tudos ma bangsongKi tu biri-biri na dipadiar ni parmahanna lilu di dolok. Maot-aot ma halahi sian dolok na sada tu na sada nari nada diboto halahi be bara ni halahi.

JEREMIA 6:21

BaenonKu ma dalanna anso tartuktuk angka jolma on lalu tinggang. Ama dohot dakdanakna, dongan maradu hombar bagasna marmara noma.”

JEREMIA 8:15

Nada marguna arop rohanta di hadameon dohot hatiha na pamalumkon, angke hum na mangasahon gogo do na adong.

ANDUNG 4:17

Manatap do matanami, paintehon pangurupi na so ra ro i. Hami arop do nian ro pangurupi sian sada bangso, hape nada adong na mangalehen.

JEHESKIEL 21:15

Mago do habaranion ni bangsongKu dibaen podang i jana tartuktuk lalu tinggang. Huondam kota ni halahi dohot podang na manyirlak songon hilap jana na hobas laho mambunu.

JEHESKIEL 34:12

songon panjalahi ni sada parmahan jana na palagutkon angka biri-birina na marserak i lalu dipature-ture ia. ObanonKu ma halahi mulak sian sude inganan parserahan ni halahi di ari na golap jana na sial i.

JEHESKIEL 36:15

Nada padiaronKu be hata-hatahonon ni halak hajorbuton na nibaen ni angka bangso maradopkon ho, jana nada tanggungonmu be incak-incak ni angka bangso jana nada agohononna be bangsomu, ninna Tuhan Debata.’ ”

JOEL 2:2

Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.

AMOS 4:13

Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

AMOS 5:18

Na marjaya situtu ma da hamu na painte-intehon ari ni Tuhan i! Aha ma he guna ni ari i di hamu? Hum ari na golap sajo do ari i, nada ari na torang.

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

JOSUA 7:19

Didok si Josua ma tu si Akan, “Ale anak hasian! Oku jana dokkon ma torus torang di jolo ni Tuhan, Debata ni Israel, sanga aha na nibaenmu. Paboa ma tu au, ulang bunihon.”

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

1 SAMUEL 6:5

Jadi angkon baenonmunu do tiruan ni baro dohot monci na mangganas di luatmunu on. Songon i ma baen hamu pasangapkon Debata ni Israel i. Betak antahonNia ma manguhum hamu dohot angka debata maradu tanomunu.