JEREMIA 12:7 - BIBEL JAMITA NA DENGGAN

⁷ Madung Hutinggalkon bagas ingananKi jana Huambungkon luatKi. Madung Hupasahat haholonganKi tu tangan ni musuna.

JEREMIA 12:7 ပူးပေါင်းရင်းမြစ်များ

2 RAJA-RAJA 21:14

Angka halak kota i na tinggal dope padiaronKu ma gabe soroon ni angka musuna na giot mamupusi dohot mangarampas luat ni halahi.

MASMUR 106:40

Muruk Ho dibaen bangsoMi, magigi Ho maradopkon halahi.

MASMUR 78:62

Dimuruki Ia bangsoNia, i ma tean-teananNa jana dipadiar Ia halahi dibunu musuna.

JESAYA 2:6

Ale Debata, madung ditadingkon Ho bangsoMu pomparan ni si Jakob! Sanga na di dia pe di luat on, mamake hadatuon do halak songon halak Pilistin dohot halak na di Habincaran. Ditiru rayat i do adat na somal di halak na asing.

JEREMIA 11:15

Didok Tuhan ma, “Bangso haholongan ni rohangKu madung patupahon angka pangalaho na jat. Nada adong be hak ni halahi di BagasKu. Diambang halahi do tarolat halahi ma hamamago i marhite na mambaen angka janji dohot na manghaulkon angka binatang. Martua ma he halahi baenon ni karejo na songon i?

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 17:4

Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JEREMIA 22:5

Tapi muda nada dioloi hamu angka na Huparentahon, jadi marsumpa do Au bahaso bagas godang on angkon gabe mangkatapor. Au Tuhan, madung mandok songon i.

JEREMIA 23:33

Didok Tuhan ma, “Muda adong sahalak sian bangsongKu, sanga sada panurirang sanga malim na manyapai tu ho Jeremia, ‘Aha tona ni Tuhan?’ Angkon alusanmu do, ‘BobanNia do ho; jadi hara ni i giot buangonNa noma ho.’

JEREMIA 23:39

na giot jomputonKu halahi, jana danggurkononKu dao-dao, halahi bope kota na dung Hulehen tu halahi dohot tu ompu ni halahi.

JEREMIA 51:5

Au Debata, Tuhan Na Markuaso, Debata Na Badia ni Israel, nada tadingkononKu Israel dohot Juda haru pe na dung mardosa halahi tu Au.

JEREMIA 7:14

Antong baenonKu ma songon na tu Silo narobi tu BagasKu na nipangasahonmunu on jana na Hulehen tu ompumunu dohot tu hamu.

JEREMIA 7:29

Didok Tuhan, “Ale halak Jerusalem, marsiluluton ma hamu! Gusting ma obukmu jana ambungkon ma i! Endehon hamu ma ende andung di puncu ni dolok di partoran. Au Tuhan, dibaen hamu gabe gusar saonnari gabe Hutulak hamu sudena.

JEHESKIEL 24:21

Dokkon ma tu halak Israel; songon on do didok Tuhan Debata satutu-tutuna pahodaronKu ma inganan parbadiaanKu, kuaso na dipangasahonmu, hasonangon ni matamu dohot rohamu; dohot anakmu halaklahi dohot dadaboru na nitinggalkonmu angkon mate rumpak dibaen podang.

HOSEA 11:1

Didok Tuhan ma, “Huhaholongi do Israel mamungka sian hamenehannia, Hupio anakKi ruar sian Mesir.

HOSEA 9:15

Didok Tuhan ma, “Di Gilgal do mamungka sude hajahatan ni halahi i. Disi ma mamungka goyak rohangKu mida halahi. Hara ni jahat ni pambaenan ni halahi, paorotonKu noma halahi sian tanongKon. Nada holong be rohangKu tu halahi; madung sude pamimpin ni halahi mangalo tu Au.

JOEL 2:15

Ombus ma sarune di Sion, di dolok ni Debata, parentahon rayatmi anso marpuaso; patupa muse sada ari na godang parpunguanna.

JOEL 3:2

PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”