JEREMIA 12:6 - BIBEL JAMITA NA DENGGAN

⁶ Madung pola dihianati angka kahanggimu sandiri ho; dohot halahi mamorangi ho. Ulang porsaya ho tu halahi, haru pe tabo begeon hata ni halahi.”

JEREMIA 12:6 ပူးပေါင်းရင်းမြစ်များ

JOB 6:15

Tapi anggo hamu ale dongan, na so tarpangasahon jana na so haposan. Songon batang aek na hiangan, di hatiha ari halogoan.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 12:3

Antak ma hata ni pangalancap, ale Tuhan, pahohom ma parpamangan na bidang.

MASMUR 69:8

Gabe songon halak na asing do au di kahanggingku, songon halak sileban di koum sisolkotku.

PODA 23:8

Utahononmu do muse na nibondutmi, jana nada adong guna ni sude hata na nidokmu mamanggar ia.

PODA 26:25

Haru pe rama ia, ulang iba porsaya; angke gutgut do manggohi rohana.

JESAYA 31:4

Didok Tuhan do tu au, “Songon singa na mampartahankon soroanna jana na so tarpabiar-biar surak-surak dohot pangarar ni parmahan, laing songon i ma Au mampartahankon Dolok Sion, jana nada adong na tarbaen mangambati Au.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

JEREMIA 11:21

Anggo halak Anatot, giotna mate ma au. Didok halahi do, “Muda sai dipupu ho do palaluhon angka tona ni Tuhan tu hami, bunuonnami noma ho.”

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JEREMIA 9:2

Sugari dapot au ma di padang halongonan inganan parbornginan di halak na mardalanan! Hutadingkon noma bangsongku, jana marlojong au tusi laho mandao sian halahi. Panghianat do halahi sudena, sada punguan ni halak na so setia,

JEREMIA 9:3

jana hum na margabusi. Di sandok luat nada markuaso hatigoran, jana hageduhan noma hatontuanna. Didok Tuhan ma, “Nada marnamantak bangsongKi mambaen hajahatan, nada dioKu halahi Au Debata.”

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

JEREMIA 9:5

Marsigabusan sudena nada adong marhata na tigor; somal do pamanganna i mamburas nada ra halahi manadingkon dosana. Hakejaman mardapot hakejaman, gabus tu gabus sai torus ma i dipambaenan, ditulakkon halahi do Tuhan.

MATEUS 10:21

Masa ma disi marsitangkup kahanggina anso dibunu. Laing songon i ma baenon ni ama-ama tu dakdanakna. Dakdanak pe mangalo do tu simatobangna, dipabunuhon angka anakna ma halahi.

MARKUS 12:12

Jadi sude angka pangituai ni halak Jahudi na umbege umpama nangkin, rap manjalahi dalan ma laho manangkup Jesus. Harana diboto halahi do, halahi sandiri do na nidok ni Jesus di umpamana i. Tapi mabiar do halahi di halak na bahat i, gabe ditinggalkon halahi ma Jesus.

JOHANNES 7:5

Angke nada porsaya angka kahanggiNia i sandiri tuSia.)

BAENON NI ANGKA RASUL 16:22

Halak na bahat pe dohot ma mangaroro rasul na dua i; songon i panjabat ni pamarenta i pe, disibak halahi ma pakean ni si Paulus dohot si Silas jana disuru halahi ma halak mangaloncing halahi na dua.

BAENON NI ANGKA RASUL 18:12

Dung si Galio gabe gubernur di Akaya, satahi ma halak Jahudi mangalo si Paulus jana dioban halahi ma ia tu pangadilan.