JEREMIA 12:17 - BIBEL JAMITA NA DENGGAN

¹⁷ Tapi anggo bangso na so ra mangihutkon Au, umpatonKu ma i songon suan-suanan jana Hupusa.” Songon i ma hata ni Tuhan i.

JEREMIA 12:17 ပူးပေါင်းရင်းမြစ်များ

JESAYA 41:11

Sapetona, sude halak na bingkas rimasna tu ho, angkon maila jana hodar; angka halak na mangalo ho, angkon songon sisoada jana ripur.

JESAYA 60:12

Bangso na so ra marpangoloion tu ho gabe sisoada do.

JEREMIA 18:7

Muda dapot di sada hatiha giot Huputuskon laho mangarampas, mangarumpakkon dohot mangaroncohon sada bangso sanga harajaan,

JEREMIA 31:28

Songon panjagoonKu sahonokna on di halahi, i ma na giot mambutbuti dohot mangarumpakkon, mangaroncohon jana pamatehon halahi, laing songon i ma panjagoonKu, patoguhon jana mambangun halahi mangulahi, songon i ma hata ni Tuhan.

JEHESKIEL 19:12

Hape diumpat tangan na muruk ia lalu disampakkon tu tano noma. Mangombus ma alogo Habincaran, mambaen malos batuna taran hajegesanna. Masopak dangkana i gabe mahiang lalu nitutungan.

DANIEL 11:4

Tapi santongkin dope ia mamarenta, mabola ma harajaannia gabe opat bagian mangihutkon haroro ni alogo sian langit, nada madabu tu pinomparna, jana nada markuaso songon ia, angke madabu do harajaannia, gabe harajaan ni halak na asing. Angka raja na so sian pomparannia noma mamarenta manggonti ia jana nada songon ia gogo ni halahi.

MIKA 5:14

Di bagasan panggasa-gasa ni murukKu, baloskononKu ma hajahatan ni sandok bangso na so marpangoloion tu Au.”

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.