JEREMIA 11:20 - BIBEL JAMITA NA DENGGAN

²⁰ Dung i martangiang ma au, “Ale Tuhan Na Markuaso, Ho do panguhum na tigor; Ho do na manguji pikiran dohot roha ni jolma. Tu Ho do Hupasahat parkarongkon; sugari nian tarbaen au ma manyaksihon balos ni angka parange ni jolma on.”

JEREMIA 11:20 ပူးပေါင်းရင်းမြစ်များ

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

2 RAJA-RAJA 19:14

Dijagit si Hiskia ma surat i sian na nisurunia i, disise ia ma. Dung i kehe ma ia tu Bagas Ni Debata jana dipatalak ia ma surat i di adopan ni Tuhan.

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

JOB 5:8

Sugari songon ho au, dohononku ma tu Debata, aduhononku noma tuSia, jana dipasahat parkaroniba.

MASMUR 139:23

Tangkasi ma au ale Debata, jana dodo ma rohangku; uji ma au jana tandai ma pikiranku.

MASMUR 35:2

Buat ma parince dohot baju porangMu, jana jongjong ma Ho mangurupi au.

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

MASMUR 58:10

Marjop ni roha halak na burju, paida-ida halak parjahat hona uhum, jana mambasu patna dohot mudar ni halak na durako.

MASMUR 7:10

Debata do paronding-ondinganku, halak na denggan roha dijagohon Ia.

MASMUR 7:8

Ho do, Tuhan na manguhumi angka bangso, uhumi ma au mangihutkon hatigoran jana tulus ni rohangku.

MASMUR 7:9

Antak ma hajahatan na sumalin, jana patogu roha ni halak na denggan. Angke Ho do Debata na tigor, didodo Ho do roha dohot pikiran ni jolma.

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

JEREMIA 12:3

Tapi anggo Ho ale Tuhan, ditanda Ho do. Diida Ho do sanga aha na hubaen, jana diboto Ho do sanga songon dia holong ni rohangku tu Ho. Togu ma angka parjahat i tu ruar; oban ma halahi songon biri-biri tu panyambolan. Jago ma halahi lopus dapot hatihana hona sambol halahi.

JEREMIA 15:15

Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

JEREMIA 17:18

Sai Ho ma pailahon dohot manggohi biar tu halak na manyompiti ngolungku. Tapi ulang baen tu au songon i ale Tuhan. Paro ma jaya hamagoan tu halahi lopus abis matimpas halahi.

JEREMIA 20:12

Tapi ale Tuhan Na Markuaso, tigor do pangujiMu di sude jolma; diboto Ho do roha dohot pikiranna. Hara ni i paloas ma jolo au marnida Ho mamalos hajahatan ni musu angke tu Ho do hupasahat parkarongku.

ANDUNG 3:58

Ale Tuhan, ro do Ho jana dipalua Ho au. Madung dipalua Ho hosangku.

ANDUNG 3:59

Diida Ho do hajahatan na dibaen tu au, bela ma parkarongku, ale Tuhan!

ANDUNG 3:64

Uhumi ma halahi, ale Tuhan, hombar tu parbuatanna.

JEHESKIEL 11:5

Dung i digohi Tondi Ni Tuhan ma au, jana disuru Tuhan ma au mandok hata tu bangso Israel, “Ale bangso Israel, Huboto do sanga aha na nidok dohot na nisangkapmu.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

2 TIMOTEUS 4:14

Si Aleksander tukang tumbaga i, madung bahat dibaen ia na jahat tu au. Baloskonon ni Tuhan ma tusia hombar tu pangalahonia i.

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”

1 SAMUEL 24:15

Diparrohahon raja i ma jolo au on na giot bunuon ni raja ni Israel! Ligi ma au on na nikojarnia i! Anjing na mate sajo do au, hum songon sada hutu sajo.