JEREMIA 11:15 - BIBEL JAMITA NA DENGGAN

¹⁵ Didok Tuhan ma, “Bangso haholongan ni rohangKu madung patupahon angka pangalaho na jat. Nada adong be hak ni halahi di BagasKu. Diambang halahi do tarolat halahi ma hamamago i marhite na mambaen angka janji dohot na manghaulkon angka binatang. Martua ma he halahi baenon ni karejo na songon i?

JEREMIA 11:15 ပူးပေါင်းရင်းမြစ်များ

MASMUR 50:16

Tapi anggo tu halak na jahat didok Debata do, “Nada adong hakmu pajojorkon aturanKu, dohot mandok hata satongtang tu parjanjianKu.

MASMUR 60:5

anso malua angka halak na nihaholongan ni rohaMu. Lehen ma hamonangan marhite kuasoMu jana tangihon ma tangiangnami.

PODA 10:23

Halak na oto dihagioti do mambaen sala; halak na bisuk sai manjalahi habisuhon.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 2:14

Dihajopkon roha ni halahi mambaen hageduhan jana dijalahi halahi do hapuasan ni rohana di bagasan parbuatan na jat.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

PODA 26:18

Jolma na manipu na margonjak do nian rohana tudos do i dohot halak na rintik na marmayamkon sinjata parmaraan.

PODA 28:9

Muda nada oloanmu uhum, tangiangmu pe sihagigian do.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JEREMIA 12:7

Madung Hutinggalkon bagas ingananKi jana Huambungkon luatKi. Madung Hupasahat haholonganKi tu tangan ni musuna.

JEREMIA 13:27

Madung Huida hamu patupahon angka pangalaho na Huhagigihon. Huida do hamu markarosuan jana manggampang di angka dolok dohot di angka ladang. Marjaya ma hamu halak Jerusalem! Andigan pe hamu giot malua sian sandok hajahatan?”

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

JEREMIA 23:11

Didok Tuhan, “Panurirang dohot malim nada ra mangoloi Au. Salang di bagasan bagasKu tardapot Au do halahi mambaen na jahat.

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

JEREMIA 3:8

Diligi ia, hara ni na manggampang ia madung Husirangkon Israel, dadaboru na murtad i, jana mangalehen tusia surat sirang: Tapi Juda, ibotonia dadaboru na so setia i nada mabiar, jana ia sandiri pe kehe do manggampang.

HOSEA 3:1

Didok Tuhan ma tu au, “Kehe ma ho mangulahi jana haholongi ma sada nari dadaboru panggampang. Haholongi ma i laing songon pangkaholongingKu di halak Israel haru pe ditadingkon halahi Au jana marsomba halahi tu angka debata boti sai dihaulkon halahi roti kismis tu gana-ganaan.”

MATEUS 22:11

Dung i masuk ma raja i mangaligi angka tamu i. Diida raja i ma sahalak na ro i na so marabit horja.

LUKAS 8:28

Di na niidania Jesus, mangangguhi ma ia jana marsomba di jolo ni Jesus, marsurak ma ia, “O, Jesus Anak Ni Debata Na Guminjang! Na giot mahua do Ho tu au? Gomos ma hupangidohon, ulang ma parkanciti au!”

SURAT NI SI PAULUS TU PARLAGUTAN ROM 11:28

Mangihutkon Jamita Na Denggan i, musu do halahi hara ni hamu, tapi mangihutkon pamilion i haholongan do halahi hara ni angka ompu i.

1 KORINTUS 13:6

Nada sonang holong ni roha i muda masa hageduhan, hum mida na sintong do marjop ni roha holong i.

TITUS 1:15

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!

JAKOBUS 4:16

Hape saonnari gabe marginjang ni roha do hamu jana mamburas. Sala do sudena buras na songon i.