JEREMIA 11:12 - BIBEL JAMITA NA DENGGAN

¹² Dung i kehe tu angka debata na asing noma halak Juda dohot halak Jerusalem mangido tolong, i ma tu angka debata na nisomba ni halahi marhite na manghaulkon haul. Tapi nangkon na margogo angka debata i paluahon halahi di hamamasa ni parmaraan i.

JEREMIA 11:12 ပူးပေါင်းရင်းမြစ်များ

2 JUJUR TAON 28:22

Di pangalaho na songon i gawatna mur mambaen dosa dope si Ahas tu Tuhan.

JESAYA 45:20

“Ro ma hamu jana marlagut, hamu sude na malua sian tonga-tonga ni angka bangso. Angka halak na mangudur-udurkon patung hayu-hayu, na so marbinoto boti na oto; na martangiang tu angka debata na so bisa mambaen malua.

JESAYA 46:7

Diporsan patung i jana dibaen di ingananna, jongjong sajo noma i disi, jana nada tarbaen pinda. Matua na hohom do i muda martangiang halak tusia, jana nada margogo mangurupisa sian mara.

JEREMIA 18:15

Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

JEREMIA 2:28

Di dia ma he angka debatamunu na nipaturemunu i? Muda masa hasusaan suruhon ma halahi paluahon hamu, anggo tarbaensa do! O ale Juda, bahat ni angka debatamu sabahat ni angka kotamu!

JEREMIA 44:8

Biasi sai mangalap-alapi hamu anso muruk Au? Ro hamu jana maringanan di Mesir on, lalu marsomba hamu tu gana-ganaan jana mamelehon haul tu angka debata ni luat on! Biasi ra hamu mangalapi hamamagomunu? Giotmunu ma he marlayas baenon ni bangso na satano on jana goarmunu pakeonna gabe bura?

PANGARATAION 32:37

Sapaan ni Tuhan ma tu bangsoNia i, ‘Di dia ma he angka debata na niarop ni rohami?

PANGARATAION 32:38

Dilehen ma tu halahi haul na martabo-tabo, minum aek ni anggur bahat dilehen ho. Padiar ma halahi mangurupi ho, suruhon halahi anso ro anso saonnari halahi ro paluahon ho.’

HAKIM-HAKIM 10:14

Tu angka debata na nipilimunu i ma hamu antong kehe. Pio-pio ma hamu tu halahi! Padiar ma halahi na paluahon hamu di bagasan hasusaan i.”