JEREMIA 11:11 - BIBEL JAMITA NA DENGGAN

¹¹ Patunda ni i, Au Tuhan, madung Hupaingot bahaso na giot paroonKu hamamago tu halahi, jana nada tarbaen halahi pasidingkonsa. Muda pio-pio halahi mangido tolong tu Au, nada ra Au manangihonsa.

JEREMIA 11:11 ပူးပေါင်းရင်းမြစ်များ

2 RAJA-RAJA 22:16

Pandok ni Tuhan, “UhumanKu ma Jerusalem dohot sude halak kota i, songon na tarsurat di buku na baru nisise ni raja i.

2 JUJUR TAON 34:24

hata ni Tuhan na mandok songon on: “Na ro ma Au manguhumi Jerusalem dohot sude halak kota i songon na tarsurat di buku na baru disisehon tu raja i.

JOB 35:13

Nada marguna halahi marsuraki sagogo-gogona; Debata Na Markuaso i nada marnida sanga umbegesa.

MASMUR 18:41

Marsurak halahi, hape so adong na mangurupi, pio-pio halahi tu Tuhan, nada ra Ia mangalusi.

MASMUR 66:18

Sugari na sonang rohangku mamikir hajahatan, pasti nada ra Tuhan umbegean.

PODA 1:28

Anggo di hatiha i, pio-pio ma hamu tu au tapi nada alusanku hamu. Jalahanmunu ma au sun tu dia, tapi nada dapot hamu be au.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

JESAYA 1:15

Muda pe diangkat hamu tanganmunu martangiang, nada Huterge be i. Nada parduli Au sanga na sadia bahat tangiangmunu i, nada ra Au manangihonsa angke dohot tanganmunu i madung bahat hamu mamunu.

JESAYA 24:17

Tangihon hamu ma, sude pangisi ni tano on! Dondonan ni hagaoron ma hamu; madung inte tirangkap dohot jorgong tu hamu.

JEREMIA 11:14

Jadi hara ni i ale Jeremia, ulang tangiangkon halahi sanga mangido tolong tu Au salaho tu halahi! Muda susa halahi jana mangido tolong tu Au, nada tangihononKu be halahi.”

JEREMIA 11:17

Au do na pajongjong Israel dohot Juda, Au Tuhan Na Markuaso tapi anggo saonnari madung Husangkapi laho parohon hamamago tu halahi. Halahi sandiri do mangalap-alapi sudena i, patunda ni hasalaan ni halahi; dihaulkon halahi haul tu Baal, hara ni i do umbaen na gabe muruk Au.”

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

JEREMIA 15:2

Muda disapai halahi tu ho, sanga na tu dia halahi kehe, songon on ma dokkon alusna, ‘Didok Tuhan, na ditontuhon parmatena hara ni nyae padiar ma mate hara ni nyae. Na kehe tu hamatean, tu hamatean ma! Na kehe tu podang, tu podang ma! Na kehe tu tangkuraparon, tangkuraparon ma! Na kehe tu tabanan, tu tabanan ma!’

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 19:15

bahaso na nidok ni Tuhan Na Markuaso i Debata ni Israel songon on, “Giot paroonKu noma tu kota on dohot tu angka huta pagaran na humaliangsa sandok parmaraan na dung Husangkaphon humani, hara ni jogal ni rohamunu dohot na so ra hamu manangihon.”

JEREMIA 19:3

Dongkon ma, “Tangihon ma hata ni Tuhan, ale raja-raja ni Juda dohot rayat Jerusalem! Songon on ma hata ni Tuhan Na Markuaso, Debata ni Israel: Satutuna paroonKu ma parmaraan tu inganan on, gabe marnginging ma pinggol ni halak na umbegesa.

JEREMIA 23:12

Hara ni i, mangalandit jana manggolap noma dalan ni halahi lopus tartuktuk halahi jana tinggang. ParoonKu ma hamamago tu halahi, muda dung dapot hatihana laho manguhumi halahi. Au Tuhan, madung mandok songon i.

JEREMIA 25:35

Jadi nada adong be haluan di angka parmahan, laing songon i muse do bope di angka pamimpin ni angka habanan.

JEREMIA 35:17

Hara ni i, Au Tuhan Na Markuaso, Debata ni Israel, paroonKu ma tu hamu halak Juda dohot Jerusalem – sandok parmaraan na giot dondonkononKu tu hamu, songon na dung Hudokkon i. Hubaen pe sudena i, hara ni na so ra do hamu manangihon muda mangkuling Au tu hamu jana nada ra hamu mangalusi di na pio-pio Au tu hamu.”

JEREMIA 36:31

UhumanKu noma pomparanmu dohot angka donganmu na marpangkat i hara ni angka dosa na nibaenmunu. ParoonKu ma tu hamu sandok bencana na Huondamkon tu hamu, angke nada diterge ho bope halak na maringanan di Jerusalem dohot Juda angka ancaman sian Au.”

JEREMIA 6:19

Parrohahon ma ale portibi! Nada ra bangsongKu manjagit pangajaranKu jana nada mangoloi tu Au. Hara ni angka tahi ni halahi, Huparo ma parmaraan tu halahi.

ANDUNG 2:22

Dihara Ho angka musungku mambaen pesta na gok hakejamon humaliang au. Di ari ni hamumurukMu, sahalak pe nada tarbaen malua sian uhumanMu. Angka na huhaholongi dohot na hupasari-sari ma pola dibunu angka musu i.

JEHESKIEL 14:3

“Ale anak ni jolma, na dung dipasahat ni angka jolma on do ngoluna tu gana-ganaan gabe julung halahi tu bagasan dosa. Dia dope dalanna umbaen tu Au halahi marsapa?

JEHESKIEL 7:5

Songon on ma pandok ni Tuhan Debata, “Ligi ma, mardapot-dapot noma parmaraan!

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

AMOS 5:19

Tudos tu halak na marlojong sian singa do pangalahona, hape marsuo dohot gompul. Sanga songon halak na mulak tu bagasna, jana ditungkolkon tanganna tu tembok lalu diturbing ulok!

MIKA 3:4

Dapot do i hatihana marsurak hamu mangido tolong tu Tuhan, tapi nada ra Ia mangalusi. Nada ra be Ia mangalusi angka tangiangmunu, hara ni na dung dibaen hamu pangalaho na jahat.

ZAKARIA 7:13

Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.