JEREMIA 11:10 - BIBEL JAMITA NA DENGGAN

¹⁰ Madung dipambaeni halahi dosa na nibaen ni ompu ni halahi narobi; disomba halahi do angka debata jana nada ra halahi mangoloi parentangKu. Rap mangalaosi do halak Israel dohot Juda di parjanjian na Hubaen dohot ompu ni halahi.

JEREMIA 11:10 ပူးပေါင်းရင်းမြစ်များ

MASMUR 78:57

Marbalik do halahi songon ompuna songon sior na bengkok do halahi nada haposan.

JESAYA 24:5

Hodar ma tano on patunda ni na nilaosan ni pangisina angka parenta, na manguba aturan jana manggagai janji.

JEREMIA 13:10

Na jogal do roha ni bangso na jahat on jana na so ra do halahi mangoloi Au. Marsomba jana mangoloi angka debata na asing do halahi. Hara ni i ma halahi gabe songon bobat abit na so marguna i.

JEREMIA 17:23

Hape nada ra ompumunu i manangihon sanga mamparrohahon sanga aha na Hudok. Jogal do roha ni halahi jana nada ra mangoloi, boti na so targorahon.

JEREMIA 22:9

Dung i alusan ni halak ma, umbaen na tarjadi pe sudena i hara ni na dung manyimbil hamu sian parjanjianmunu dohot Au Debatamunu, jana marsomba hamu lalu mangoloi tu angka debata.”

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

JEREMIA 44:16

“Nada ra hami manangihon sanga aha na nidokmu tu hami mangasahon goar ni Tuhan.

JEREMIA 44:5

Hape nada ra hamu manangihon jana nada diterge hamu. Nada ra hamu mantak mambaen na jahat, i ma na mamele i tu angka debata.

JEREMIA 7:28

Hara ni i dokkon ma tu halahi, ‘On ma bangso na so ra manangihon Tuhan, Debata ni halahi, jana na so ra manjagit pangajaran!’ Madung mago roha haburjuon sian pamangan ni halahi.”

JEHESKIEL 16:59

Didok Tuhan Debata i ma, “BaenonKu ma tu ho hombar tu karejomu, dibaen madung disoadahon ho sumpamu boti dilaosi ho parjanjianKu dohot ho.

JEHESKIEL 44:7

Madung dipahodar halahi BagasKu, angke taran manghaulkon tabo-tabo dohot mudar ni haul i tu Au dipaloas halahi do masuk tu bagasan angka halak sileban na so marsunat jana na so marpangoloion tu Au. Markite-hite angka parbuatan ni halahi na nihagigihon i, dilaosi halahi do parjanjianKu dohot halahi.

JEHESKIEL 5:6

Tapi madung ditulak Jerusalem na Huparentahon jana madung tangkas jumahat do ia sian angka bangso na asing, jana tumangkang dope ulang pado angka bangso na humaliang ia. Dilaosi Jerusalem do angka parentangKu jana nada ra mangoloi angka aturanKu.”

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

HOSEA 6:7

Tapi songon si Adam, digagai hamu do janjimunu dohot Au.

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

HAMALIMON 26:15

Muda dilanggar hamu janji na Hubaen dohot hamu jana nada ra hamu mangoloi angka aturan na sian Au dohot parentangKu,

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

ZAKARIA 1:4

Ulang ma hamu songon angka ompumunu i. Narobi dipalalu angka panurirang do tonangKu tu halahi anso ulang be nian sai mambaen na jahat halahi dohot mambaen dosa. Hape nada diterge halahi jana nada ra halahi mangoloi Au.

ZAKARIA 7:11

Tapi nada diantureskon halahi jana mangalo, jana dipaingol do pinggolna anso ulang marbinege.

ZAKARIA 7:13

Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.

IBRANI 8:9

Nada sarupa janji i tu janji na Hubaen dohot ompung ni halahi di na Hutogu halahi haruar sian Mesir. Nada togu ditiop halahi janji na Hubaen dohot halahi, hara ni i ma umbaen na so Hupardulihon halahi.

HAKIM-HAKIM 2:11

Dung i mardosa ma halak Israel maradopkon Tuhan, jana mulai ma halahi marsomba tu Baal.

HAKIM-HAKIM 2:17

Hape nada parduli halak Israel di angka pamimpin i. Nada setia halahi tu Tuhan, tapi marsomba do tu angka debata na asing. Nada diihutkon halahi tiruan na sian ompu na umpompar halahi na burju mangoloi tu angka parenta ni Tuhan.

HAKIM-HAKIM 2:19

Tapi muda dung mate pamimpin i, jumorbut dope pangalaho ni bangso i sian sundut na di jolona. Mangoloi dohot marsomba tu angka debata na asing ma halahi. Diulahi halahi ma tu hasomalanna na jat jana nada ra halahi mangantaksa.

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.