JEREMIA 10:4 - BIBEL JAMITA NA DENGGAN

⁴ lalu dipajeges ia ma i marhite sere dohot perak. Dipagomos ia ma i dohot paku, anso ulang tinggang.

JEREMIA 10:4 ပူးပေါင်းရင်းမြစ်များ

MASMUR 115:4

Anggo sisombaon ni halahi sere dohot perak sajo, na nitukangan ni tangan ni jolma do.

MASMUR 135:15

Holan sian sere dohot perak manangkas do sisombaon ni halahi, na nipature ni tangan ni jolma.

JESAYA 44:12

Dibuat tukang bosi ma sada logam, ditutung ia ma i lalu ditopa pake toko, dikarejohon ia ma i dohot sude gogo ni tanganna. Maradu malean jana sampe abis gogonia jana nada minum aek ia lopus loja.

JESAYA 46:6

Dibuka halak huncangna, diduruskon serena, jana ditimbang perakna di kiloan. Diupai halahi tukang mambaen sisombaonna lalu marsomba tu patung na nibaenna.

JESAYA 46:7

Diporsan patung i jana dibaen di ingananna, jongjong sajo noma i disi, jana nada tarbaen pinda. Matua na hohom do i muda martangiang halak tusia, jana nada margogo mangurupisa sian mara.

HOSEA 13:2

Lopus saonnari laing torus dope mardosa angka halak Efraim i; dipambaeni halahi do angka patung sian perak na nirangrangan ni akal ni jolma jana na nigana ni tangan ni jolma lalu disomba ma i. Didok halahi, “Pelehon ma haul tu angka patung on!” Padiar ma diummai jolma i angka anak ni lombu i!

HABAKUK 2:19

Hona bura ma halak na mangkuling tu hayu santuho, “Ngot ma ho!” Tu sada batu na ngungu, “Jongjong ma ho!” Tarbaen sada patung ma he mandok sangkababa hata tu ho? Nian marlampis sere do i dohot perak, tapi anggo tondi umpe adong di bagasanna.