JEREMIA 10:3 - BIBEL JAMITA NA DENGGAN

³ Saotik pe nada adong guna ni ugamo ni angka bangso i. Ditaba halahi hayu di harangan, jana dipatukangkon halahi ma i tu tukang hayu. Dikarejohon ia ma i gabe patung gana-ganaan;

JEREMIA 10:3 ပူးပေါင်းရင်းမြစ်များ

MASMUR 115:4

Anggo sisombaon ni halahi sere dohot perak sajo, na nitukangan ni tangan ni jolma do.

JESAYA 45:20

“Ro ma hamu jana marlagut, hamu sude na malua sian tonga-tonga ni angka bangso. Angka halak na mangudur-udurkon patung hayu-hayu, na so marbinoto boti na oto; na martangiang tu angka debata na so bisa mambaen malua.

JEREMIA 1:16

UhumanKu ma bangsongKi patunda ni na mardosa halahi jana dihudukkon halahi Au. Dihaulkon halahi do antong haul tu angka debata na asing, jana dipambaeni halahi patung lalu disomba halahi.

JEREMIA 10:8

Sude halahi oto jana bodo angke sombaonna hum hayu sajo do, nada tarajarkonsa na marguna.

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 2:5

Didok Tuhan, “Hasalaan dia do na dumpang ompumunu di Au, umbaen pola mandao halahi sian Au? Disomba halahi do patung na so marguna na mambaen halahi gabe so marguna?

HAMALIMON 18:30

Dung i didok Tuhan i ma, “Ihutkon ma sude angka parenta na dung Hulehen i, ulang tiru hamu pangalaho ni halak na mangingani Kanaan andorang so diingani hamu. Ulang dibaen ramun diriniba sandiri marhite karejo na songon i. Au do Tuhan Debatamu.”

MATEUS 6:7

Muda martangiang ho, ulang pola maradu ginjang songon na nibaen ni halak na so mananda Tuhan. Ninna roha ni halahi, gabe ditangihon ma tangiang ni halahi hara ni ginjangna.

BAENON NI ANGKA RASUL 19:26

Saonnari madung tangkas diida jana dibege hamu sandiri sanga aha na nibaen ni si Paulus. Didok ia, anggo angka debata na nibaen ni tangan ni jolma, nada tutu i debata. Jana madung marbalik bahat halak dibaen ia gabe mangkaporsayai na niajarkonnia i. Nada hum di Epesus on sajo, tapi bolas dohonon madung sudena halak na saluat Asia on.

SURAT NI SI PAULUS TU PARLAGUTAN ROM 1:21

Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

1 PETRUS 1:18

Angkon botoonmunu do sanga aha na dung digarari laho paluahon hamu sian ngolu na so marguna i na nipateankon ni angka ompungmunu tu hamu. Nada barang na ra sego songon perak sanga sere dibaen panggararna,