JEREMIA 10:24 - BIBEL JAMITA NA DENGGAN

²⁴ Ajar ma hami ale Tuhan, dohot na sapatutna. Ulang ma dohot hamumurukMu, anso ulang gabe mago hami.

JEREMIA 10:24 ပူးပေါင်းရင်းမြစ်များ

JOB 6:18

Di na manjalahi batang aek lilu angka pardalan-dalan; madang-adang halahi jana mate di parhorsihan.

MASMUR 38:1

Tuhan, ulang uhumi au di bagasan parpiar ni murukMu, ulang parhanciti au di milas ni rohaMu.

MASMUR 6:1

Tuhan, ulang muruk Ho jana ulang tulakkon au, ulang uhumi au di bagasan muruk ni rohaMu.

MASMUR 6:2

Ibo ma rohaMu mida au, angke abis ma gogongku da Tuhan, pargogoi ma au, angke madung gale-gale au.

JESAYA 28:28

Muda mardege gandum, nada dibalbali ia i torus-torusan lopus maropuk. Nada! Diboto ia do mardege i denggan di na nipadalannia garobak di ginjangna i so pola maropuk batu ni gandum i.

JESAYA 40:23

Nada margogo dibaen Ia angka parkuaso angka halak na godang agoan kuaso.

JEREMIA 30:11

Angke dongananKu do ho ninna Tuhan, anso Hupalua ho: PangabisonKu ma angka bangso inganan parserahanmunui, tapi anggo ho nada pangabisonKu. AjaranKu ma ho di bagasan uhum; jana nada dohononKu ho na so marsala.”

JEREMIA 46:28

Jadi ulang be hamu mabiar, ale bangsongKu, ro noma Au laho paluahon hamu. Giot timpaskononKu noma angka bangso ingananmunu Huparserak, tapi anggo tu hamu nada baenonKu songon i. Tutu nian anggo hara ni hasalaan na nibaenmunu angkon manjagit uhuman do hamu, tapi nada pola uhuman na mahancittu. Au Tuhan, madung mandok songon i.”

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.