JEREMIA 10:22 - BIBEL JAMITA NA DENGGAN

²² Tangihon hamu ma! Adong barita na paboahon sada bangso di Utara na mambaen hagaoran. Gabe mamolngit jana gabe lobu ma angka kota ni Juda baenon ni tentarana. Martabuni disi ma angka sorigala.”

JEREMIA 10:22 ပူးပေါင်းရင်းမြစ်များ

JESAYA 34:13

Angka bagas godang bope angka hutana na martembok, gabe hatubuan ni ramba na marsuga noma i jana diingani anjing harangan dohot sipauk.

JEREMIA 1:14

Didok Tuhan ma, “Ro ma durus parmaraan sian Utara jana songgop ma i tu halak na di luat on sude.

JEREMIA 1:15

Angke satutuna pioonKu ma sude angka bangso na di Utara anso ro halahi, ninna Tuhan, marroan ma halahi jana marsipajongjong tuku harajaanna be, di harbangan ni Jerusalem, halianganna ma tembok na i jana donok tu angka kota ni Juda.

JEREMIA 2:15

Marngaur musuna i songon singa, gariang jana rumar tanona i dibaensa, angka kotana abis hona surbu, dipadiar mamolngit jana gabe lobu.

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 4:15

Sian kota Dan, dohot sian Dolok Efraim madung marroan angka suruan na maroban barita na jat.

JEREMIA 4:6

Patuduhon ma dalan tu Sion, dolok ni Tuhan, ompoti hamu ma mangungsi, ulang ma marsidalian. Sian Utara diparo Tuhan hamamago dohot hasegoan.

JEREMIA 49:33

BuangonKu noma Hasor salolot-lolotna, jana gabe inganan partabunian ni anjing riar. Sahalak pe nada adong be maringanan disi. Au Tuhan, madung mandok songon i.”

JEREMIA 5:15

O hamu halak Israel, madung diparo Tuhan sada bangso sian na dao laho mamorangi hamu. Na dung adong hian do bangso i sian narobi ni narobi, nada diboto hamu hata ni halahi. Sun do gogo ni halahi,

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

JEREMIA 6:22

Songon on ma didok Tuhan, “Satutuna, giot ro ma sada bangso sian Utara, sada bangso na godang hobas sian suhi ni tano on.

JEREMIA 9:11

Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

ANDUNG 1:4

Muda hatiha ari pesta nada adong be na ro tu Bagas Ni Debata. Marhancit disi angka nauli bulung parende, dohot malim pe humolos be. Nada adong halak di angka pintu ni horbangan. Kota Sion sude digohi hamarsahan.

JEHESKIEL 12:19

Jana dokkon ma tu pangisi ni kota on; songon on do pandok ni Tuhan Debata taringot tu pangisi ni Jerusalem na di Israel: Angkon humitir ma halahi mangan jana manghutur laho minum anso gariang tano ni halahi angke nada adong be pangisina, hara ni hakejamon ni sude halak na tinggal disi.

MALEAKI 1:3

hape sego do rohangKu anggo mida si Esau dohot pomparannia. Huroncohon do tano partoran ni si Esau, jana Hupasahat tanona i tu angka binatang panyoro.”