JEREMIA 10:20 - BIBEL JAMITA NA DENGGAN

²⁰ Madung masego bandarnami jana mangkagotap angka talina i. Nada adong be tarbaen pajongjong bandar dohot mamasang angka tenda-tendana, harana madung kehe sude angka dakdanak.”

JEREMIA 10:20 ပူးပေါင်းရင်းမြစ်များ

JOB 7:8

Saonnari ro halak mangaligi iba – tapi hum santongkin noma da. Muda dijalahi au muse, nada dumpangsa be.

PODA 12:7

Dumpang hadadabu do halak parjahat jana punjung, tapi halak na denggan hot do pomparanna.

JESAYA 51:16

Hubaen do hatangKu tu pamanganmu, jana Hubunihon do ho di ondingan ni tanganKu, anso Hupahembang muse langit jana Hupayakkon ojahan ni tano on, dohononKu ma tu Sion: Ho do bangsongKu!”

JESAYA 51:18

Sian sude dakdanak na nitubuhonna, nada adong manogu ia, jana sian sude dakdanak na dipagodang-godangna umpe adong na maniop tangannia.

JESAYA 54:2

Angkon pabidangon noma bandar ni ingananmu, paginjangonmu angka talina, jana patoguonmu sangkotanna.

JEREMIA 30:17

Haru pe didok musumu, ‘Madung tarbuang Sion, jana nada adong na marnidasa,’ baenonKu horas hamu mangulahi, jana angka bugangmu Huubati.”

JEREMIA 31:15

Didok Tuhan ma, “Tarbege do di Rama sora ni andung dohot na holsoan maradu na tangis monggung-onggung. Ditangisi si Rahel do angka dakdanakna, nada haapoan patunda ni anakna na dung soada.

JEREMIA 4:20

Mardapot-dapot parmaraan i marroan mangaroncohon sude luat. Ompot ma bandarniba dirumpakkon, abitna i diparsibakkon.

ANDUNG 1:5

Marbungaran angka musuna hara ni na dung mangarajai ia. Tuhan mambaen ia humasusa, patunda ni bahatna dosania. Hona taban do halakna, jana dioban tu habuanganna di jolo ni musuna.

MIKA 2:9

Angka dadaboru sian tonga-tonga ni bangsongKu diusir hamu do sian dongan sabagasna na nihaholongan ni rohana, jana dipambuati hamu angka dakdanak ni halahi na songon pasupasungKu hian di halahi sapanjangna.