JEREMIA 10:2 - BIBEL JAMITA NA DENGGAN

² Didok Ia do, “Ulang tiru hamu hasomalan ni angka bangso na leban, jana ulang gamang hamu mida angka tanda na di langit na nihabiaran ni angka bangso i.

JEREMIA 10:2 ပူးပေါင်းရင်းမြစ်များ

PAMUNGKAAN 1:14

Dung i mangkuling ma Debata, “Jadi ma angka na torang idaon di langit i manyirang arian sian borngin bope laho patandahon pamungkaan ni ari, taon dohot ari pesta ni ugamo;

JEREMIA 10:1

O ale halak Israel, tangihon hamu ma tona ni Tuhan tu hamu.

JEHESKIEL 20:32

Giotmunu nian tudos ma hamu dohot angka bangso na asing i dohot tu halak na maringanan di tano sileban na manyomba hayu dohot batu. Tapi nada lalu anggo giot ni rohamunu.’ ”

HAMALIMON 18:3

Ulang tiru pangalaho ni halak Mesir na dung jungada diingani hamu luat ni halahi, sanga pe maniru halak Kanaan, na giot masuhanmunu luat ni halahi mardongan partolonganKu.

HAMALIMON 20:23

Ulang tiru hamu adat ni halak na tinggal disi. Magigi do Au mida pangalaho ni halak parbegu i, angke na jahat do karejo ni halahi. Hara ni i do dibaen na Huusir halahi saonnari, anso tarbaen hamu masuk tu luat i.

PANGARATAION 18:9

“Muda masuk hamu tu tano na nilehen ni Tuhan Debatamunu i tu hamu, ulang antong tiru hamu angka pangalaho hagigian na nibaen ni angka bangso na adong disi.

HAKIM-HAKIM 6:10

Madung Hudok tu hamu bahaso Au do Tuhan Debatamunu, dohot na so tola hamu marsomba angka debata ni bangso Amori na niingananmunu tanona i saonnari. Hape nada diihutkon hamu parentangKu.’ ”