JEREMIA 10:18 - BIBEL JAMITA NA DENGGAN

¹⁸ Danggurkonon ni Tuhan ma hamu tu habuangan; abiskononNia noma hamu. I ma parenta ni Tuhan.

JEREMIA 10:18 ပူးပေါင်းရင်းမြစ်များ

JESAYA 22:17

Jago ho, ambungkonon ni Tuhan ma ho tu sihadaoan. JomahonNia ma ho jana balun-balunonNia. BuangonNia ma ho tu luat na gumodang. Mate disi ma ho di lambung ni angka kareta na sai nipangasahonmi. Ditilakoi ho goar ni bagas ni tuanmu.

JEREMIA 16:13

Hara ni i, paorotonKu noma hamu sian luat on jana buangonKu tu sada luat na asing situtu di hamu dohot di ompumunu. Anggo disi arian na borngin mangoloi tu angka debata na leban noma hamu, jana nada maribo ni roha be Au mida hamu.’ ”

JEREMIA 22:26

UsironKu ma ho dohot inangmu jana buangonKu tu luat na so hatubuanmu jana disi ma marujung ngolumunu.

JEREMIA 23:20

Nada ra mombun hamumurukNia i salolot so abis sude mardalan na disangkaphonNia. Di pudian ni ari muse botoon ni bangso ni Tuhan do torang taringot tusi.

JEHESKIEL 6:10

Jana botoon ni halahi ma, bahato Au do Tuhan jana nada hata gabus, muda Hudok giot mandabu uhum tu halahi.”

ZEPANYA 1:17

Didok Tuhan ma, “ParoonKu ma bahat parmaraan tu jolma manusia lopus gapa-gapa halahi songon halak na so marnida. Mardosai do halahi tu Au, jana saonnari durus noma mudar ni halahi songon aek, jana marbusuhan ma angka bangke ni halahi di tano i.”

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

PANGARATAION 28:52

Porangan ni halahi ma ganop kota na adong di tano na giot silehenon ni Tuhan Debatamunu i di ho; matolbak ma angka tembok ni kota na nipatogu jana na nipangasahonmunu i.

1 SAMUEL 25:29

Sugari sura adong sada halak na mangaroro mangalo tuan i jana na mancubo mamunu tuan i, ingkon do jagohonon ni Tuhan Debata tuan i songon arta na nijagohon ni nampunasa. Tapi anggo musu ni tuan i ambungkonon ni Tuhan do dao-dao, songon batu na didanggurkon dohot ambalang.