JEREMIA 10:17 - BIBEL JAMITA NA DENGGAN

¹⁷ Hona hobuk do hamu halak na maringanan di Jerusalem! Antong marhobas ma hamu!

JEREMIA 10:17 ပူးပေါင်းရင်းမြစ်များ

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

MIKA 2:10

Jongjong ma hamu jana morot; nada aman be dison. Gabe ro ma parmaraan, hasegoan tu inganan on hara ni angka dosamunu i.

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

PANGARATAION 28:52

Porangan ni halahi ma ganop kota na adong di tano na giot silehenon ni Tuhan Debatamunu i di ho; matolbak ma angka tembok ni kota na nipatogu jana na nipangasahonmunu i.