JEREMIA 10:16 - BIBEL JAMITA NA DENGGAN

¹⁶ Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEREMIA 10:16 ပူးပေါင်းရင်းမြစ်များ

MASMUR 119:57

Hum Ho sajo do por ni rohangku, ale Tuhan, marjanji do au mandalankon pangajaranMu.

MASMUR 135:4

Ditodo Ia si Jakob baen diSia sandiri halak Israel, dibaen Ia gabe nampunaNia.

MASMUR 142:5

Ale Tuhan, pio-pio au, urupi ma au, Ho do ale Tuhan, pangondingingku. Hum Ho sajo do sasudena na huporluhon di bagasan ngolungku di tano on.

MASMUR 33:6

Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

MASMUR 73:26

Haru pe gabe gale pamatangku dohot rohangku, Ho do ale Debata hagogoonku; hum Ho sajo noma na huporluhon sudena salolot ni lolotna.

MASMUR 74:2

Ingot ma bangso na nadipulditMi sian narobi, bangso na nipaluaMu anso gabe bangsoMu sandiri. Ingot ma Dolok Sion, na nibaenMu gabe ingananMu.

HARURUAR 19:5

Saonnari, muda ra do hamu mangoloi na Hudok jana ingot rohamunu tu parjanjianKu, baenonKu ma hamu gabe bangso, hapunjunganKu sandiri. Au do nian nampuna tano on sudena,

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

PODA 16:4

Dibaen Tuhan do sude hombar tu tujuanna; jana hamagoan do ujung ni parjahat.

JESAYA 19:25

Pasupasuon ni Tuhan Na Markuaso i ma halahi jana dokkonon noma, “PasupasuonKu ma, ho ale Mesir bangsongKu, ho ale Asur na Hujadihon, dohot Israel bangso na Hupili.”

JESAYA 45:7

Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

JESAYA 47:4

ninna Debata Na Badia ni Israel, Tuhan Na Markuaso do goarna.

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 51:15

Harana Au do Tuhan Debatamu, Au do namangatur laut jana mambaen marsasak galumbangna. Tuhan Na Markuaso do goarNa.

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JEREMIA 10:12

Ditompa Tuhan do portibi marhite kuasoNia; marhite hamaloanNia digana Ia tanoon; dipahembang Ia langit marhite hapistaranNia.

JEREMIA 10:6

Nada adong tudosanMu, ale Tuhan! Sangap jana marsahala do goarMu.

JEREMIA 31:35

Dipasingkop Tuhan do mataniari laho manorangi arian; bulan dohot angka bintang laho manorangi borngin. Digaor Ia laut i anso marombak galumbangna, Tuhan Na Markuaso i, i ma da goarNa.

JEREMIA 32:18

Dipatuduhon Ho do holong ni rohaMu na manongtong tu halak na marribu-ribu, tapi diuhum Ho muse do halak hara ni dosa ni simatobangna. Debata na godang do Ho jana na gogo; Tuhan Na Markuaso i do goarMu.

JEREMIA 33:2

na manjadihon tano dohot na manompa jana na mamayakkonsa di hapayahanna. Didok Ia,

JEREMIA 46:18

Au do Tuhan Na Mangolu, Au do raja, Tuhan Na Markuaso. Songon Dolok Tabor na gumincat sian tonga-tonga ni angka dolok dohot Dolok Karmel na marsijongjong di ginjang ni sisik ni laut, songon i ma hagogoan ni na ro i mamorangi ho.

JEREMIA 50:34

Tapi gogo do Au pambela ni halahi Tuhan Na Markuaso i do goarKu. Au sandiri do na manjuljulkon parkaro ni halahi dohot na maroban dame tu portibi on. Tapi anggo tu halak Babel paroonKu ma hasusaan.”

JEREMIA 51:19

Anggo Debata ni si Jakob nada songon gana-ganaan i; Ia do na manompa sasudena. Tuhan Na Markuaso i do goarNia; ditodo Ia do Israel gabe bangsoNa.

ANDUNG 3:24

Hum Tuhan sajo do na adong di au, tuSia sajo do hupapos rohangku.

AMOS 4:13

Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

ZAKARIA 2:12

Sanoli nari gabe nampuna hapunjungan ni Tuhan ma Juda di tanoNia na badia i, jana Jerusalem gabe kota na sumurung dihaholongi Ia.

PANGARATAION 32:9

Hape anggo pompar ni si Jakob on dipili Tuhan diSia sandiri antong.