JEREMIA 10:12 - BIBEL JAMITA NA DENGGAN

¹² Ditompa Tuhan do portibi marhite kuasoNia; marhite hamaloanNia digana Ia tanoon; dipahembang Ia langit marhite hapistaranNia.

JEREMIA 10:12 ပူးပေါင်းရင်းမြစ်များ

PAMUNGKAAN 1:1

Di mulana i ditompa Debata ma langit dohot tano.

PAMUNGKAAN 2:5

nada adong dope suan-suanan di tano on, jana nada adong dope same na martumbur, dibaen nada diparo Tuhan Debata dope udan boti jolma pe nada podo adong na giot mangkarejohon tano i.

1 JUJUR TAON 16:26

Hum patung sajo do debata ni angka bangso, tapi anggo Tuhanta, i ma sitompa langit dohot tano.

JOB 26:7

Dipahembang Debata do langit na di Utara, jana digantungkon Ia do portibi di inganan na soada.

JOB 37:18

Tolap ho ma pahembang parlangitan i songon Debata lalu papirkonsa songon bosi tuangan sanga kaco.

JOB 9:8

Dipahembang Ia do da parlangitan, urupanmu so pola. Dilonca-lonca Ia tanggurung ni naga padoha.

MASMUR 104:2

maruloskon sinondang na torang do Ho. Dipahembang Ho do langit songon undung-undung,

MASMUR 104:24

Na bahat ma antong parkarejoanMu, ale Tuhan, gok tano on dohot sude na NitompaMu. Dibaen Ho sudena i marhite hamaloonMu sandiri.

MASMUR 119:90

Sian sundut tu sundut do habonaranMu, dipajongjong Ho tano on, gabe laing hot togu.

MASMUR 24:2

Dipayakkon Ia ojahanna di laut na bidang i, dipajongjong Ia di aek na bagas i.

MASMUR 33:6

Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

MASMUR 65:7

Dipademak Ho do pardobur ni laut dohot pangamuk ni ombak, dipasonang Ho do hagaoran ni angka bangso.

MASMUR 78:69

Dipajongjong Ia inganan na badia na sagincat ni langit, jana satohong ni tano, nada tarhutur salolot-lolotna.

MASMUR 93:1

Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

PODA 3:19

Marhite habisuhon, ditompa Tuhan tano on; marhite rohaNa na denggan i dipahembang Ia langit di ingananna i.

PODA 30:4

Jolma dia ma he na umboto pangalaho ni banua ginjang? Unjung ma he dipohul ia di tanganna alogo, jana disaputi ia aek di bagasan bajuna, sanga manontuhon batas ni alam on sudena? Ise he ia jana ise anaknia? Pasti diboto ho do i?

JESAYA 37:16

“O Tuhan Na Markuaso, Debata ni Israel, na maringanan di ginjang ni angka mahluk na marhabong, hum sasada Ho do Debata na mamarenta di sude harajaan na adong di sisik ni tano on. Ho do na manompa langit dohot tano.

JESAYA 40:22

Ia na marhabangan di gincat ni hatingkoan ni portibion, pangisina songon siapor. Ia na pahembang langit songon abit, jana mamasang i songon undung-undung baen inganan.

JESAYA 42:5

Songon on ma didok Debata, Tuhan, na manompa langit jana na paherbangkonsa na manompa tano on dohot sude na tubu di ginjangna na mangalehen hosa tu angka jolma na manginganisa.

JESAYA 44:24

Songon on ma didok Tuhan, Sipalua ho; na manompa ho mamungka sian bortian. “Au ma da Tuhan, na manompa sasudena, sasada Au do pahembangkon langit, na pahembangkon tano on ise dehe na mandongani Au?

JESAYA 45:12

Au ma da Tuhan na manjadihon tano, dohot na manompa jolma anso mangingani tano. Hara ni kuasongKu langit i pe mahembang, Huatur mataniari, bulan dohot bintang.

JESAYA 45:18

Angke songon on do didok Tuhan, na manompa langit, – Ia do Debata –. Ditompa jana digana Ia tano on tohong dibaen Ia jana hot jongjong; ditompa Ia i nada anso ulang marisi, tapi baen inganan ni jolma do i; “Au do Tuhan, jana nada adong na asing.

JESAYA 48:13

TanganKu do na mamayakkon ojahan ni portibi, jana tangan siamunKu do na pahembang langit i. Muda Hupio halahi, manigor rap udur do ro halahi.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JEREMIA 10:13

Hum parenta do dilehen Ia, gumadobur ma aek ni parlangitan dipanaek Ia ombun sian ujung ni tano on. Dibaen Ia hilap na margurasa di bagasan udan, ditongos Ia alogo sian panyimpananna.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

ZAKARIA 12:1

On ma tona ni Tuhan taringot tu Israel, i ma Tuhan na pahembang langit, na manompa portibi jana na mangalehen ngolu tu jolma, didok Ia ma,

JOHANNES 1:3

Sasudena do dijadihon markite-hite Ia, jana sian sasude na adong, sangkamata pe nada adong na nijadihon, so marhite sian Ia.

KOLOSSE 1:16

Angke markite-hite Ia do ditompa sasudena na adong, di banua ginjang dohot di tano on, i ma sasudena na tarida dohot na so tarida; angka habangsa, angka pangarajai, angka paruhum sanga parkuaso; sasudena i madung nitompa markite-hite Ia jana tuSia.