Pamanganku dibaen Ia songon tajom ni podang, tanganNia mangalehen di au parlindungan. Dibaen do au songon anak ni pana, nisimpan di tabung jana marlinang tajomna.
Hubaen do hatangKu tu pamanganmu, jana Hubunihon do ho di ondingan ni tanganKu, anso Hupahembang muse langit jana Hupayakkon ojahan ni tano on, dohononKu ma tu Sion: Ho do bangsongKu!”
BaenonKu ma parjanjian dohot hamu: LehenonKu kuaso dohot pangajaranKu tu hamu. Ingot jana patulus hamu ma angka pangajaranKi jana ajarkon hamu ma i tu angka dakdanakmunu dohot tu pomparanmunu, anso laing dohot halahi marningot dohot patuluskonsa.”
Dialusi Tuhan ma, “Muda mulak ho, jagitonKu do ho mangulahi. Jana gabe naposongKu ho muse. Muda dibaritahon ho angka pangalaho na marguna jana nada hum hata-hata sajo, jadi gabe naposongKu ma ho mangulahi. Marroan ma angka jolma tu ho mangulahi.
“Buat ma sude balunan ni karotes jana suratkon ma sude na dung Hutonahon tu ho salaho tu Israel dohot Juda, bope taringot tu sude bangso. Suratkon ma sude hata na Hudokkon i mamungka sian pangkataionKu na parjolo tu ho dompak Raja Josia mamarenta lalu tu sadari on.
Tapi adong ma na songon jolma tompana manjama pamanganku; dung i hubuka ma pamanganku jana mulai ma au mangkobari; hudok ma tusia na tongon jongjong di jolongki, “Tuan, hara ni parnidaan i gabe markancit do au, jana nada adong be gogongku.
Tapi muda dioban hamu anso niadilan, ulang sak rohamunu taringot tu hata sidohononmunu sanga taringot tu pangkataimunu bagi na tarbia. Harana, sanga aha pe na giot sidokkononmunu disi, jolo paboaon do i tu hamu.
Dioban Jesus ma bayo i punjung sian halak na bahat i. Dibaen Jesus ma tanganNia tu pinggol ni bayo i. Dung i marsitijur ma Jesus, dijama Ia ma dila ni bayo i.
Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.
Di ari i, dompak na marlagut hamu di Dolok Sinai, dipangidohon hamu anso ulang be nian dibege hamu mangulahi Tuhan mangkuling, jana ulang diida hamu haroroNia di bagasan api na marjilam-jilam, hara ni biarmunu mate.
SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.