JEREMIA 1:7 - BIBEL JAMITA NA DENGGAN

⁷ Tapi dialusi Tuhan ma, “Ulang dokkon maposotu dope Au. Muda Husuru ho tu sada bangso, angkon kehe ho jana sandok na Husuru dokkononmu angkon palaluonmu do i tu halahi.

JEREMIA 1:7 ပူးပေါင်းရင်းမြစ်များ

1 RAJA-RAJA 22:14

Tapi dialusi si Mika ma, “Mangasahon Tuhan na mangolu i, hujanjihon ma, sanga aha na nidok ni Tuhan tu au, laing i do na giot palaluonku.”

1 RAJA-RAJA 3:7

Ale Tuhan Debatangku, madung diangkat Ho au gabe raja gonti ni damang, haru pe poso situtu dope au jana na so umboto sanga songon dia laho mamarenta.

2 JUJUR TAON 18:13

Tapi dialusi si Mika ma, “Mangasahon Tuhan na mangolu i, anggo au hum na nidok ni Tuhan do na giot dokkononku!”

HARURUAR 6:29

didok Tuhan ma, “Au do Tuhan. Pabolkas ma tu raja Mesir, sude na dung Hudok tu ho.”

JEREMIA 26:2

manigor didok Tuhan ma tu au, “Kehe ma ho jongjong di alaman ni BagasKu jana palalu ma tu halak Juda na ro marsomba tusi, sandok na Huparentahon tu ho sipalaluonmu tu halahi. Saotik pe ulang urahi.

JEREMIA 43:1

Madung hupalalu sude tona sipalaluonku na sian Tuhan, Debata ni Israel tu rayat i.

JEREMIA 7:27

Dung i didok Tuhan ma tu si Jeremia, “Hara ni i ale Jeremia, haru pe dipaboa ho sudena i tu bangsongKu, nada na ra halahi mamparrohahon angka hata na nidokmi. Haru pe halahi dipiohon nada ra halahi mangalusi i.

JEHESKIEL 2:7

Palalu ma sude na Hutonahon tu halahi, sanga ra pe halahi manangihon i sanga nada. Ingot ma, angka pangalo do halahi.

JEHESKIEL 3:27

Sanoli on, muda manghobari Au mangulahi tu ho jana Hupasuang hamaloonmu manghobari, angkon palaluonmu do sanga aha na giot dokkononKu, Au Tuhan Debata giot mandok tu halahi. Tangihonon ni halahi do deba, tapi deba nari halahi nada manangihon, harana bia baenon bangso pangalo ma antong.”

AMOS 7:15

Tapi dibuat Tuhan au sian karejongki jana disuru Ia au palaluhon tonaNia tu halak Israel.

JUNUS 3:2

Didok Ia ma, “Kehe ma ho tu Ninive, kota na godang i, jana palalu ma tu pangisi ni kota i tona na Hulehen tu ho.”

BILANGAN 22:20

Borngin i ro ma Debata mangkatai dohot si Bileam, ninna ma, “Ro halak on mangido anso rap kehe hamu ancogot, antong marhobas ma ho anso kehe. Tapi hum na Hudok i do na patut karejohononmu.”

BILANGAN 22:38

Dialusi si Bileam ma, “Nada he madung ro au, atehe? Tapi nada adong kuaso di au mandok barang aha asing sian na nisuru ni Tuhan dohononku.”

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.