JEREMIA 1:16 - BIBEL JAMITA NA DENGGAN

¹⁶ UhumanKu ma bangsongKi patunda ni na mardosa halahi jana dihudukkon halahi Au. Dihaulkon halahi do antong haul tu angka debata na asing, jana dipambaeni halahi patung lalu disomba halahi.

JEREMIA 1:16 ပူးပေါင်းရင်းမြစ်များ

2 RAJA-RAJA 22:17

Ditadingkon halahi do Au jana kehe halahi marsomba tu angka debata na asing. Pasunggul-sunggul murukKu do sude pambaenan ni halahi i. Muruk do Au tu Jerusalem jana nada ra mombun murukKi.

2 JUJUR TAON 15:2

jadi gabe kehe ma ia mandapotkon Raja Asa, jana didok ia ma, “Ale Raja Asa, dohot sude halak na maringanan di Juda dohot Benyamin! Tangihon ma! Donok do Tuhan tu hamu muda donok hamu tuSia. Muda mangido panogu-noguon hamu tuSia, lehenonNia ma i. Tapi muda nada parduli hamu diSia, Ia pe nada parduli di hamu.

2 JUJUR TAON 28:2

Songon angka raja ni Israel do ngolunia jana dibaen ia do angka patung ni Baal sian logam,

2 JUJUR TAON 34:25

Ditadingkon halahi do Au jana kehe halahi marsomba tu angka debata na asing. Pasunggul-sunggul muruk do Au tu Jerusalem, jana nada ra mombun murukKi.

2 JUJUR TAON 7:19

Tapi anggo dilanggar ho dohot rayatmi angka uhum dohot angka parentangKu jana marsomba hamu tu angka debata,

JESAYA 2:8

Sanga na di dia sap gana-ganaan, jana marsomba tu angka patung na nipauli ni tanganna sandiri do halahi.

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

JESAYA 44:15

Deba sian hayu i gabe soban do dibaen ia baen parsisuduan dohot pamanggang ni roti sanga juhut, gabe dabu rohania. Marsisudu ma ia jana didok ia ma, “Olo da, tabo do antong jana las! Tabona i di lambung api on!” Deba nari hayu i dipake ia ma mambaen patung. Mangunduk ma ia marsomba tusi jana martangiang, “Ho do debatangku, palua ma au!”

JESAYA 65:3

Sai torus do halahi mambaen muruk Au. Hara ni na mamelehon haul di kobun tu angka debata jana manutungi hamonyan di angka langgatan na disi.

JEREMIA 10:15

Nada mararga angka gana-ganaan i, sipalayason jana sipabileon do i. Di hadudumpang ni hatihana mago ma halahi sudena.

JEREMIA 10:3

Saotik pe nada adong guna ni ugamo ni angka bangso i. Ditaba halahi hayu di harangan, jana dipatukangkon halahi ma i tu tukang hayu. Dikarejohon ia ma i gabe patung gana-ganaan;

JEREMIA 11:12

Dung i kehe tu angka debata na asing noma halak Juda dohot halak Jerusalem mangido tolong, i ma tu angka debata na nisomba ni halahi marhite na manghaulkon haul. Tapi nangkon na margogo angka debata i paluahon halahi di hamamasa ni parmaraan i.

JEREMIA 11:17

Au do na pajongjong Israel dohot Juda, Au Tuhan Na Markuaso tapi anggo saonnari madung Husangkapi laho parohon hamamago tu halahi. Halahi sandiri do mangalap-alapi sudena i, patunda ni hasalaan ni halahi; dihaulkon halahi haul tu Baal, hara ni i do umbaen na gabe muruk Au.”

JEREMIA 15:6

Madung ditulak jana ditadingkon hamu Au, hara ni i Huondamkon botohonKu laho mangabisi hamu. Ma pola loja Au mangorom muruk ni rohangKu.

JEREMIA 16:11

Paboa ma tu halahi na Hudokkon songon on, ‘Madung ditadingkon ompumunu Au laho marsomba jana mangoloi tu angka debata. Dipasiding halahi do Au jana nada ra halahi mangoloi angka TonangKu.

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

JEREMIA 18:15

Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

JEREMIA 19:4

Angke madung ditadingkon halahi Au, madung dilehen halahi inganan on tu debata na asing, jana madung manghaulkon haul situtungon halahi tu debata na asing i. Na so tinanda ni ompu ni halahi dohot angka raja ni Juda. Madung dihodari halahi muse inganan on marhite mudar ni halak na so marsala.

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JEREMIA 2:17

Ho sandiri do mangalapi sude na tarjadi tu ho sandiri, angke dompak Hutogu ho di pardalanan, dihudukkon ho do Au, Tuhan Debatamu.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 2:28

Di dia ma he angka debatamunu na nipaturemunu i? Muda masa hasusaan suruhon ma halahi paluahon hamu, anggo tarbaensa do! O ale Juda, bahat ni angka debatamu sabahat ni angka kotamu!

JEREMIA 4:12

Tapi alogo na gogo na ro sian parentangKu do i, Au sandiri do saonnari na mandabu uhum tu halahi.

JEREMIA 4:28

Hara ni i marsak ma portibi golap sajo ma langit i. Madung didok Tuhan i, jana indangkon na muba be sangkapNia. Madung dibaen Ia haputusanNia jana nada sumurut be Ia hum salangka.

JEREMIA 44:17

Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

JEREMIA 5:29

Tapi patunda ni sasudena i, Au Tuhan, giot uhumanKu ma halahi giot baloskononKu angka pambaenan ni bangso on.

JEREMIA 5:9

Nada he patutna ma angkon uhumanKu halahi jana baloskonon sandok na nibaen ni halahi?

JEREMIA 51:17

Marnida sudena i gabe mamboto ma jolma, na oto do Ia hape jana na so adong astuanna. Nada marbohi be angka halak na mambaen patung, angke na pargabus do na nibaennia i jana na so marhosa.

JEREMIA 7:17

Diida ho sandiri do parkarejoan ni halahi di angka kota na di Juda dohot di angka dalan na di Jerusalem!

JEREMIA 7:18

Dipalagut angka dakdanak do soban, halaklahi na magodang pagarahon api jana dadaboru mancampur adonan laho pature kue di debata boru-boru na nigoaran ni halahi Ratu Banua Ginjang. Jana na pahancit rohangKu dihaulkon halahi muse ma anggur tu angka debata.

JEREMIA 7:9

Manangko do hamu, mambunu, marmainan, manyaksihon gabus, manghaulkon haul tu Baal, dohot marsomba angka debata na so nitandamunu.

JEHESKIEL 16:18

Dipapakehon ho tu angka patung i pakean na marsulam na Hulehen i di ho. Dipelehon ho tu halahi miak zetun dohot dupangKu na Hulehen i tu ho.

JEHESKIEL 24:14

Au Tuhan Debata, madung mandok songon i. Madung dapot hatihana di Au laho martindak. Indangkon na ra Au manghalupahon dosami jana ampunanKu sanga gabe ibo rohangKu tu ho. Hona uhum do ho hombar tu sasude pangalahomu. Au Tuhan Debata, madung mandok songon i.”

HOSEA 11:2

Tapi mur Hupioi anakKi mur mandao do ia sian Au. Dioban ia haul jana ditutung ia dupa di Baal dohot di angka debata na asing.

HOSEA 8:6

Lombu sere na di Samaria i karejo ni tangan ni angka na pande do i di Israel! Nada Debata na nisomba ni halahi i, jadi angkon taporhonon do i!

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

BAENON NI ANGKA RASUL 7:41

Jadi dibaen halahi ma hatiha i sada patung ni anak ni lombu, dung i dipelehon halahi ma haul tu patung i jana marpesta ma halahi pasangapkon barang na nibaen ni tangan ni halahi sandiri.

PANGARATAION 28:20

Muda mambaen jahat ho jana manulak hamu di Tuhan, paroonNia ma parmaraan, hagaoron dohot hamaolon di sasude na nibaenmunu, jadi gabe abiskononna ma ho di hatiha na pendek sajo.

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.