JEREMIA 1:12 - BIBEL JAMITA NA DENGGAN

¹² “Tutu do i,” ninna Tuhan, “angke madung marsadia Au patuluskon hatangKu.”

JEREMIA 1:12 ပူးပေါင်းရင်းမြစ်များ

JESAYA 55:11

laing songon i do hatangKu na haruar sian pamanganKu, nada mulak boti i tu Au; tapi patuluson ni i do hagiotKu, jana marlabo do i di bagasan aha na dung Husuruhon tusia.

JEREMIA 1:13

Dung i didok Tuhan ma paduanolihon tu au, “Aha dope na niidamu?” Alusku, “Adong huida hudon na gurgur na ro sian sabola Utara.”

JEREMIA 24:3

Dung i didok Tuhan ma tu au, “Ale Jeremia, aha do diida ho?” “Batu ni ara do Tuhan,” ningku mangalusi. “Na jeges-jeges i, biama na lobi jeges, jana na busuk-busuk i bia ma na santak busuk gabe nada be tarpangan.”

JEREMIA 31:28

Songon panjagoonKu sahonokna on di halahi, i ma na giot mambutbuti dohot mangarumpakkon, mangaroncohon jana pamatehon halahi, laing songon i ma panjagoonKu, patoguhon jana mambangun halahi mangulahi, songon i ma hata ni Tuhan.

JEHESKIEL 12:25

Au Tuhan Debata, Au sandiri noma manghobari tu bangso Israel jana sude na Hudokkon musti angkon tarjadi, nada pola marlambat-lambat be. Tangihon hamu ma, ale angka pangalo! Taran di ngolumunu on dope, dalankononKu ma sandok na dung Hupaboa hian tu hamu. Au Tuhan Debata madung mandok songon i.”

JEHESKIEL 12:28

Hara ni i, dokkon ma tu halahi, na Hudok, Au Tuhan Debata mandok: Sasude na Hudokkon i musti angkon tarjadi, nada be marlambat-lambat. Au Tuhan Debata madung mandok songon i!”

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

LUKAS 10:28

Didok Jesus ma, “Tutu do alusmi. Baen ma songon i, gabe mangolu ma ho.”

LUKAS 20:39

Adong ma deba sian angka Siboto Surat i na mandok, “Denggan sajo do pangalusi ni Guru i.”

PANGARATAION 18:17

Jadi gabe didok Tuhan tu au: Madung denggan dihatahon halahi aha na dung dihatahon halahi.

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

PANGARATAION 5:28

Di na nibege ni Tuhan taringot tusi, didok Ia ma tu au, ‘Madung hubege sanga aha na nidok ni bangso on, jana tutu do na nidok ni halahini i.