Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 1:10 - BIBEL JAMITA NA DENGGAN

10 Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

အခန်းကိုကြည့်ပါ။ ကော်ပီ




JEREMIA 1:10
29 ပူးပေါင်းရင်းမြစ်များ  

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”


Sanga ise na so hona bunu dibaen si Hasael, bunuon ni si Jehu ma, jana angka na malua sian si Jehu bunuon ni si Elisa ma.


Adong do hatihana mamunu dohot hatihana pamalumkon, manyego-nyego, dohot hatihana paturehon.


“Dompak so Hujadihon ho di bortian ni inangmu, madung Hutanda ho, jana taran so sorang dope ho madung Huparbadiai ho, madung Hutodo do ho gabe panurirang tu angka bangso.”


JagohononKu do halahi jana obanonKu mangulahi tu luat on. BangunonKu do halahi, nada rumpakononKu; na manyuan do Au, nada mangumpat halahi.


Giot uhumanKu Babel marhite sudena parmaraan na dung Husangkaphon maradopkon angka bangso di na mangkobari Au dohot si Jeremia – i ma sandok sangkap na tarsurat di bagasan buku on.


Songon panjagoonKu sahonokna on di halahi, i ma na giot mambutbuti dohot mangarumpakkon, mangaroncohon jana pamatehon halahi, laing songon i ma panjagoonKu, patoguhon jana mambangun halahi mangulahi, songon i ma hata ni Tuhan.


Sude rura i, tanoman ni na mate i dohot inganan habuangan ni sirabun i, dohot sude kobun na di atas ni Batang aek Kidron lopus tu Horbangan kudo sabola Habincaran gabe badia ma i di Tuhan nada be rumpakkonon sanga roncohonon ni bagi ise kota i salolot-lolotna.”


“Buat ma sude balunan ni karotes jana suratkon ma sude na dung Hutonahon tu ho salaho tu Israel dohot Juda, bope taringot tu sude bangso. Suratkon ma sude hata na Hudokkon i mamungka sian pangkataionKu na parjolo tu ho dompak Raja Josia mamarenta lalu tu sadari on.


JalahanKu do dalan anso mago hamu jana nada marhasonangan lopus mate hamu sudena, bope di parporangan sanga pe hara ni nyae masa.


Ale Barukh! Au Tuhan na topet do Au mangarumpakkon na Hubangun i jana Huumpat na dung Husuan i. Tu sude portibi on do Hubaen songon i.


“Ale anak ni jolma gambar ma di ho dua dalan na bolas boluson ni raja ni Babel na maroban podangna. Dalan na dua i angkon di sada luat pangkalna. Baen ma papan tudu-tudu ni dalan i, pataridahon dalan panyirpangan tu angka kota.


Didok Tuhan ma tu au, “Ale jolma parsantongkinan, madung he hobas ho laho manguhumi si Ohola dohot si Oholiba? Gorahon ma halahi salaho tu hahodaron na nibaen ni halahi.


“Ale anak ni jolma, mangandung ma ho hara ni rayat na di Mesir. Tongoskon ma halahi tu inganan ni jolma na mate rap dohot angka luat na gogo-gogo na asing i.


Jadi botoon ni angka bangso na hombar na tading i dope na dung Hubangun, Au Tuhan mambangun mangulahi angka kota na dung sego i, dohot mangkarejohon angka ladang na gariang. Au Tuhan madung mandok songon i jana tulus baenonKu songon i.”


Sarupa do parnidaan i dohot na huida di na ro Debata laho mangaroncohon Jerusalem dohot songon na huida di Batang aek Kebar. Dung i manungkap ma au lalu marsomba.


Hara ni i do umbaen na Husuru angka panurirangKu laho palaluhon tu hamu haputusanKu na mandok angkon uhumon jana abiskonon noma hamu. Torang jana tangkas do na nipangido ni rohangKu sian hamu:


Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.


Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.


Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ