JEHESKIEL 9:2 - BIBEL JAMITA NA DENGGAN

² Rap ruar ma onom halak sian ruar ni horbangan Utara ni Bagas Ni Tuhan i, marsioban sinjatana be. Rap dohot halahi adong muse halak na marpakean linen na maroban parkokas ni panyurat. Masuk ma halahi jana jongjong di lambung ni langgatan na sian tumbaga i.

JEHESKIEL 9:2 ပူးပေါင်းရင်းမြစ်များ

2 RAJA-RAJA 15:35

Tapi anggo angka inganan parsombaan ni debata nada disegohon ia, jadi laing torus do anggo rayat mamelehon haul dohot na manutung hamonyan disi. Si Jotam on ma na mambangun Horbangan Utara na di Bagas Ni Debata.

2 JUJUR TAON 27:3

Dibangun si Jotam ma Pintu Horbangan Utara di Bagas Ni Debata jana dipatogu ia ma tembok Ofel na di Jerusalem.

2 JUJUR TAON 4:1

Disuru Raja Salomo ma anso dibaen sada langgatan loyang rap sambilan meter ginjangna dohot bidangna, jana gincatna opat satonga meter.

HARURUAR 40:29

lalu dibaen ia ma di jolo ni pintu i langgatan ni haul situtungon. Dihaulkon ia ma haul situtungon dohot haul gandum di ginjang ni langgatan i.

JEREMIA 1:15

Angke satutuna pioonKu ma sude angka bangso na di Utara anso ro halahi, ninna Tuhan, marroan ma halahi jana marsipajongjong tuku harajaanna be, di harbangan ni Jerusalem, halianganna ma tembok na i jana donok tu angka kota ni Juda.

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 26:10

Di na tarboto tu angka pamimpin ni Juda na masa i, diompoti halahi ma haruar sian bagas godang ni raja i lalu kehe tu Bagas Ni Tuhan jana marjuguhan halahi di Pintu Horbangan Baru.

JEREMIA 4:6

Patuduhon ma dalan tu Sion, dolok ni Tuhan, ompoti hamu ma mangungsi, ulang ma marsidalian. Sian Utara diparo Tuhan hamamago dohot hasegoan.

JEHESKIEL 10:2

Dung i didok Debata ma tu halak na marpakean linen i, “Masuk ma ho tu antara ni angka roda na adong di toru ni kerub i, jana buat ma sanjomput banggar ni api. Dung i sarsarkon ma banggar i tu ginjang ni kota i.” Dung i huida ma ia masuk.

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.

JEHESKIEL 9:11

Dung i mulak ma halak na marpakean linen i mangulahi jana mangalapur ma ia tu Tuhan, ning ia ma, “Madung mardalan sude parenta ni Tuhan i.”

JEHESKIEL 9:3

Dung i mamincar ma sinondang na silo sian angka kerub na marhabong na patandahon haroro ni Debata ni Israel, lalu pinda ma i sian ingananna humani tu pintu masuk laho tu Bagas Na Badia i. Dung i dipio Tuhan ma halak na marpakean linen i.

DANIEL 10:5

Hupadorgak ma bohingku jana huida ma sada halak na marpakean abit linen jana na marbobat sere na polin.

DANIEL 12:6

Disapai na sada ma tu na marpakean linen i, na jongjong di julu ni aek i, “Andigan dehe marujung angka hahomangan na tarjadi on?”

HAMALIMON 16:4

Dung i dilehen Tuhan muse dope angka paraturan. Taran so masuk si Harun tu Bilik Na Sun Badia i, angkon maridi ia jolo, dung i dipake ia pakean ni malim, i ma baju dohot saraor pendek sian abit linen, bobat dohot saroben.

AMOS 9:1

Huida ma Tuhan jongjong di lambung ni sada langgatan. Dilehen Ia ma parenta songon on, “Toko ma gogo-gogo angka ulu ni tiang i anso humutur sude emperna i. Rumpakkon angka tiang i tu ginjang ni ulu ni angka jolma i. Angka na so mate disi, Hubunu marhite podang. Sahalak pe nada tarbaen paluahon dirina; sahalak pe nada adong na malua.

HALUMBAAN 15:6

Manigor ruar ma pitu surusuruan – i ma na mangurus mara na pitu i – sian bagasan Bagas Na Badia i. Sian abit linen do pakean ni halahi, ias jana marnyirlak-nyirlak. Jana adong do panutup ni andora ni halahi na nibaen sian sere.