JEHESKIEL 7:9 - BIBEL JAMITA NA DENGGAN

⁹ Nada ibo rohangKu sanga ampunanKu hamu. Giot uhumanKu hamu hombar tu sude hajorbutan na nibaenmunu i. Jadi gabe botoonmunu ma bahaso Au do Tuhan jana Au do na manguhumi hamu.”

JEHESKIEL 7:9 ပူးပေါင်းရင်းမြစ်များ

JESAYA 9:13

Laing na so manyosal dope bangso Israel haru pe na dung hona uhum ni Tuhan Na Markuaso i; laing na so tunduk dope halahi tu angka parentaNia.

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 36:31

UhumanKu noma pomparanmu dohot angka donganmu na marpangkat i hara ni angka dosa na nibaenmunu. ParoonKu ma tu hamu sandok bencana na Huondamkon tu hamu, angke nada diterge ho bope halak na maringanan di Jerusalem dohot Juda angka ancaman sian Au.”

ANDUNG 2:17

Madung didalankon Tuhan sangkapNia i na dung dipaingotkon Ia tu hita na salpu i. Dilantuk Ia do hita nada adong ibo ni rohaNa, dilehen Ia hamonangan di musunta. Dibaen Ia halahi marjop ni roha paida-ida hadadabunta.

JEHESKIEL 22:22

Songon perak na nidakdak di parapian, laing songon i ma halahi lalaon di Jerusalem. Jadi gabe botoon ni halahi ma Au do Tuhan na dung palaluhon rimasKu tu halahi.”

JEHESKIEL 23:49

Ale Ohola dohot ho Oholiba, uhumanKu noma hamu hara ni na marhamainan hamu dohot marsomba tu gana-ganaan. Jadi gabe botoonmunu ma Au do Tuhan Debata i.”

JEHESKIEL 5:11

Dibaen i, songon sintongna mangolu Au, ninna Tuhan Debata: Hara ni na dung dipahodar ho inganan na badiangKu marhite sude pambaenanmu na jahat jana sihagigian i, roncohononKu ma ho nada adong ampunna.

JEHESKIEL 7:10

Ligi ma madung ro arina: Masa ma parhancitan, martumbur ma hajahaton, marharajaon ma ginjang ni roha.

JEHESKIEL 7:8

Nada pola sadia honok nari be, hilalaonmu ma rimasKu na jorbut i. UhumanKu hamu hombar tu parbuatanmunu. BaloskononKu tu hamu sude jorbut ni pangalahomunu i.

MIKA 6:9

Habisuhon do muda mangkabiari Debata. Pio-pio do Ia tu halak na mangingani kota, didok Ia do, “Tangihon ma ale hamu na marlagut di bagasan kota!

GALATIA 6:7

Ulang hamu ra dipaoto-oto! Nada sipargonjakkonon Debata! Sanga aha nisuan angkon laing i do sabion.

HALUMBAAN 20:13

Dung i dilehen laut i ma angka halak na mate na adong di bagasanna, bope hamatean i, bope harajaan banua toru mangalehen angka halak na mate na adong di bagasanna, jana diuhumi ma halahi hombar tu pambaenanna be.