JEHESKIEL 7:8 - BIBEL JAMITA NA DENGGAN

⁸ Nada pola sadia honok nari be, hilalaonmu ma rimasKu na jorbut i. UhumanKu hamu hombar tu parbuatanmunu. BaloskononKu tu hamu sude jorbut ni pangalahomunu i.

JEHESKIEL 7:8 ပူးပေါင်းရင်းမြစ်များ

2 JUJUR TAON 34:21

“Kehe ma hamu marsapa tu Tuhan salaho tu au dohot salaho tu bangso i na tinggal dope di Israel dohot Juda. Tangkasi hamu ma salaho tu pangajaran na di buku on. Madung muruk Tuhan tu hita hara ni na so diihutkon angka ompunta hata ni Tuhan jana nada dipatulus halahi na didok di buku on angkon sipatuluson.”

MASMUR 79:6

Palalu ma rimasMu maradopkon angka bangso na so mananda Ho, dohot maradopkon angka harajaan na so martangiang tu Ho.

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

JEREMIA 36:31

UhumanKu noma pomparanmu dohot angka donganmu na marpangkat i hara ni angka dosa na nibaenmunu. ParoonKu ma tu hamu sandok bencana na Huondamkon tu hamu, angke nada diterge ho bope halak na maringanan di Jerusalem dohot Juda angka ancaman sian Au.”

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

ANDUNG 2:17

Madung didalankon Tuhan sangkapNia i na dung dipaingotkon Ia tu hita na salpu i. Dilantuk Ia do hita nada adong ibo ni rohaNa, dilehen Ia hamonangan di musunta. Dibaen Ia halahi marjop ni roha paida-ida hadadabunta.

ANDUNG 2:4

Songon musu i, marmetar Ia manembakkon anak ni pana, jana dipaadop tu hita. Sude jolma na pasonang rohanta, abis hona bunu dibaen Ia. Dibursikkon Ia hamuruhonNia i tu bagasan kota Sion songon api.

ANDUNG 4:11

Palalu hosom ma Tuhan tu Sion, kotaNa i disurbu Ia lopus mangornop tu tano i.

JEHESKIEL 11:21

Tapi anggo angka halak na sai marhagiot marsomba gana-ganaan na jorbut jana sihagigian i, uhumanKu do i hara ni pangalaho ni halahi.” Songon i ma pandok ni Tuhan Debata i.

JEHESKIEL 14:19

Bolas jadi Huparo nyae masa tu luat i, jana palalu hosom au tu halahi lopus abis jolma sanga pahan-pahanan.

JEHESKIEL 16:43

Hara ni na so diingot ho be hatiha haposoonmu, gabe muruk Au, tutu, dabuonKu ma uhum tu ho hara ni hajahatonmu, songon i ma didok Tuhan Debata. Nada he na markarosuan do ho muse di balik ni nasa pambaenanmu na nihagigihon i?”

JEHESKIEL 16:59

Didok Tuhan Debata i ma, “BaenonKu ma tu ho hombar tu karejomu, dibaen madung disoadahon ho sumpamu boti dilaosi ho parjanjianKu dohot ho.

JEHESKIEL 18:30

Didok Tuhan Debata, “Ale hamu halak Israel, uhumanKu do ganop halak hombar tu pambaenanna be. Pauba hamu ma rohamunu sian angka dosamunu. Ulang padiar disegohon dosami dirimu.

JEHESKIEL 20:13

Hape di padang parhorsihan i, dialo halahi muse do Au. Dilaosi halahi do angka tona na sian Au na manjamin mangolu tongtong sanga ise na patuluskonsa. Gabe hodar jana ramun dibaen halahi Ari Sabat i. Hara ni i, di parhorsihan i madung nian hobas Au laho palalu murukKu tu halahi dohot mamusa halahi.

JEHESKIEL 20:21

Hape angka na umposo i pe manggagai do tu Au. Dilaosi halahi do angka tona na sian Au jana dipasiding halahi do parenta na sian Au, na manjamin tongtong mangolu sanga ise na mandalankonsa. Jadi hara ni i madung hobas Au laho palaluhon murukKu maradopkon halahi di parhorsihan i jana mamunu halahi sude.

JEHESKIEL 20:33

“Mangasahon Au na mangolu, ninna Tuhan Debata, Hupaingot hamu, hara ni murukKu koras jana tegas noma baenonKu mamarenta hamu lopus dihilala hamu kuasongKu. PalagutonKu ma hamu jana obanonKu sian sude luat inganan parserahanmunu.

JEHESKIEL 20:8

Tapi dialo halahi do Au jana nada ditangihon halahi. Nada ra halahi mangambungkon angka patung sihagigian i jana nada ra halahi mantak marsomba tu gana-ganaan ni Mesir i. Dompak disi dope halahi madung hobas Au palalu murukKu tu halahi.

JEHESKIEL 22:31

Hara ni i, Hupalalu ma saonnari rimasKu maradopkon halahi, jana songon api pangabisonku ma halahi patunda ni sude pangalaho ni halahi. Au Tuhan Debata madung mandok songon i.”

JEHESKIEL 24:14

Au Tuhan Debata, madung mandok songon i. Madung dapot hatihana di Au laho martindak. Indangkon na ra Au manghalupahon dosami jana ampunanKu sanga gabe ibo rohangKu tu ho. Hona uhum do ho hombar tu sasude pangalahomu. Au Tuhan Debata, madung mandok songon i.”

JEHESKIEL 30:15

jana hamoraonna i abiskononKu. PalaluonKu ma hosomKu tu Sin, kota na gabe benteng ni Mesir i.

JEHESKIEL 33:20

Tapi haru songon i pe, laing didok halak Israel do na so tigor na Hubaen i. Satutuna do, uhumanKu ma halahi ganop marguru tu pambaenanna be.”

JEHESKIEL 6:12

Hilalaon ni halahi sude ma panyuraka ni murukKu. Angka jolma na dao di habuangan marnyae i ma lalu mate; na donok mate ma baenon ni porang, jana na deba nari i mate tangkuraparon.

JEHESKIEL 7:27

Mangandung ma raja, mandele ma anak ni raja i jana humitir ma rayat i hara ni biarna. UhumanKu noma hamu hombar tu parbuatanmunu sudena jana uhumanKu ma hamu songon panguhumimunu di halak na asing. Jadi gabe botoonmunu ma bahaso Au do Tuhan.”

JEHESKIEL 7:9

Nada ibo rohangKu sanga ampunanKu hamu. Giot uhumanKu hamu hombar tu sude hajorbutan na nibaenmunu i. Jadi gabe botoonmunu ma bahaso Au do Tuhan jana Au do na manguhumi hamu.”

JEHESKIEL 9:10

Nada be ibo rohangKu mida halahi. Angkon baenonKu tu halahi sanga aha na nibaen ni halahi tu halak na asing.”

JEHESKIEL 9:8

Salolot mardalan na manyamboli i, sasada au do disi. Manungkap ma au jana pio-pio, “O Tuhan Debata, songon i ma he murukMu tu Jerusalem jabat do bunuonMu sude halak na adong dope di Israel on?”

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.

DANIEL 9:27

Baenon ni raja i ma parjanjian na togu dohot bahat jolma pitu taon honokna. Di Parsitongaan ni hatiha i antahonnia ma na mambaen pelean dohot haul. Dung i Hajahatan Na Manyegohon baenonna ma maringanan di Bagas Ni Tuhan jana sai tongtong ma i disi lopus didondoni hamamago na mambaen ia tusi, i ma hamamago na nitontuhon ni Debata disia.”

HOSEA 12:3

Adong do parkaro ni Tuhan dohot bangso Juda; laing uhumonNia muse do dohot Jakob hara ni pangalaho ni bangso i. BaloskononNia ma parbuatan ni halahi i.

HOSEA 5:10

Didok Tuhan ma, “Muruk do Au hara ni na diporangi ni angka pamimpin ni Juda jana dirampas halahi tano ni Israel. Hara ni i timpalkononKu ma uhuman tu halahi songon aek magodang.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

HALUMBAAN 14:10

painumon ma tu halahi anggur na badia, i ma anggur haririmasNia na niusehonNia tu ingananna, na so niurahan saotik pe! Hona parkancitan ma halahi di bagasan api dohot barerang di jolo ni angka surusuruan ni Debata dohot di jolo ni Anak Ni Biri-biri i.