Dongkon ma, “Tangihon ma hata ni Tuhan, ale raja-raja ni Juda dohot rayat Jerusalem! Songon on ma hata ni Tuhan Na Markuaso, Debata ni Israel: Satutuna paroonKu ma parmaraan tu inganan on, gabe marnginging ma pinggol ni halak na umbegesa.
Tigor do pambaenanMu laing songon na nijanjihonMu tu hami dohot tu angka na markuaso di hami. Umposi do uhumMu tu Jerusalem martimbangkon angka kota na adong di tano on.
Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.
“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”
Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.
Angke disi ma masa hasusaan na lobi godang na so unjung masa dope mamungka sian mula-mula ni portibi on lopus tu sadari on. Dung salpu i, nada masa muse be na songon i.