JEHESKIEL 7:4 - BIBEL JAMITA NA DENGGAN

⁴ Nada pakeonKu ibo ni roha sanga lehenonKu ampunan tu ho. UhumanKu noma ho hombar tu sandok hajorbutan na nibaenmu. Jadi gabe botoonmu ma bahaso Au do Tuhan.”

JEHESKIEL 7:4 ပူးပေါင်းရင်းမြစ်များ

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

JEREMIA 16:18

BaloskononKu ma dosa dohot hajahatan ni halahi i marhite uhuman dua lompit, hara ni na dung hodar dibaen halahi tanongKu marhite gana-ganaan na bahat na so marhosa songon bangke.”

JEREMIA 25:14

BalosonKu do angka parbuatan ni halak Babel i; parhatobanon ni angka raja-raja na godang ma halahi dohot angka bangso na bahat.’ ”

JEHESKIEL 11:21

Tapi anggo angka halak na sai marhagiot marsomba gana-ganaan na jorbut jana sihagigian i, uhumanKu do i hara ni pangalaho ni halahi.” Songon i ma pandok ni Tuhan Debata i.

JEHESKIEL 12:20

Angka kota na laing diingani halak angkon gabe maronco jana tano ipe angkon gabe gariang, dung i botoonmunu ma bahaso Au do Tuhan.”

JEHESKIEL 16:43

Hara ni na so diingot ho be hatiha haposoonmu, gabe muruk Au, tutu, dabuonKu ma uhum tu ho hara ni hajahatonmu, songon i ma didok Tuhan Debata. Nada he na markarosuan do ho muse di balik ni nasa pambaenanmu na nihagigihon i?”

JEHESKIEL 22:31

Hara ni i, Hupalalu ma saonnari rimasKu maradopkon halahi, jana songon api pangabisonku ma halahi patunda ni sude pangalaho ni halahi. Au Tuhan Debata madung mandok songon i.”

JEHESKIEL 23:31

Diihutkon ho do indege ni angkangmi, jadi hara ni i painumonKu ma tu ho piala ni uhuman, songon na dung Hupainumkon tu angkangmu.”

JEHESKIEL 23:49

Ale Ohola dohot ho Oholiba, uhumanKu noma hamu hara ni na marhamainan hamu dohot marsomba tu gana-ganaan. Jadi gabe botoonmunu ma Au do Tuhan Debata i.”

JEHESKIEL 24:14

Au Tuhan Debata, madung mandok songon i. Madung dapot hatihana di Au laho martindak. Indangkon na ra Au manghalupahon dosami jana ampunanKu sanga gabe ibo rohangKu tu ho. Hona uhum do ho hombar tu sasude pangalahomu. Au Tuhan Debata, madung mandok songon i.”

JEHESKIEL 33:29

Di na hona uhum baenonKu bangso i hara ni angka dosa ni halahi jana mamolngit Hubaen luat i, gabe botoon ni halahi ma Au do Tuhan.”

JEHESKIEL 5:11

Dibaen i, songon sintongna mangolu Au, ninna Tuhan Debata: Hara ni na dung dipahodar ho inganan na badiangKu marhite sude pambaenanmu na jahat jana sihagigian i, roncohononKu ma ho nada adong ampunna.

JEHESKIEL 6:14

Olo antong, pahortangonKu ma tanganKu jana ropuhonKu luat ni halahi i lopus gabe mamolngit mamungka sian halongonan na di Selatan lopus tu kota Ribla di Utara. Sian angka inganan ni halak Israel, sahalak pe nada adong na giot paluaonKu. Jadi gabe botoon ni halak ma, Au do Tuhan.”

JEHESKIEL 6:7

Sanga na di dia adong halak na hona bunu, jana sanga ise na malua botoonna ma Au do hape Tuhan.

JEHESKIEL 7:27

Mangandung ma raja, mandele ma anak ni raja i jana humitir ma rayat i hara ni biarna. UhumanKu noma hamu hombar tu parbuatanmunu sudena jana uhumanKu ma hamu songon panguhumimunu di halak na asing. Jadi gabe botoonmunu ma bahaso Au do Tuhan.”

JEHESKIEL 7:3

“Saonnari madung dapot ajalmu, jana Au manongoskon rimasKu tu ho jana manguhum ho hombar tu jorbut ni parbuatanmu jana manginona tu ho baenonKu sude angka na ni karejohonmu.

JEHESKIEL 7:9

Nada ibo rohangKu sanga ampunanKu hamu. Giot uhumanKu hamu hombar tu sude hajorbutan na nibaenmunu i. Jadi gabe botoonmunu ma bahaso Au do Tuhan jana Au do na manguhumi hamu.”

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

JEHESKIEL 9:10

Nada be ibo rohangKu mida halahi. Angkon baenonKu tu halahi sanga aha na nibaen ni halahi tu halak na asing.”

HOSEA 12:2

Sanga aha na nibaen ni halak Israel sian manyogot lalu tu potang, nada adong gunana jana hum na manyegohon do i songon alogo Habincaran. Mur manjadi-jadi do hageduhan dohot hakejamon di tonga-tonga ni halahi. Dipambaeni halahi angka parjanjian dohot Asur jana marboniaga halahi dohot Mesir.”

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

AMOS 7:8

Disapai Ia ma tu au, “Aha do diida ho, Amos?” Hualusi ma, “Tali sipat do, Tuhan.” Dung i didok Tuhan ma, “Hupake do tali sipat on laho patuduhon na tudos do bangsongKu dohot tembok na so tigor. Nada pauba-ubaonKu be sangkapKu laho manguhum halahi.

ZAKARIA 11:6

“Nada ra be Au maribo ni roha mida sanga ise pe di luat on. Au sandiri pasahatkon sude halak na di luat on tu angka na markuaso. Luntahon ni halahi ma luat on, jana nada rampasonKu i sian kuaso ni halahi.”

IBRANI 10:30

Angke taboto do sanga ise na mandok songon on, “Au do nampuna pamaloson, Au do na giot mambaen pamaloson!” Jana na mandok muse, “Uhuman ni Tuhan ma bangsoNa.”