JEHESKIEL 6:9 - BIBEL JAMITA NA DENGGAN

⁹ Disi, di tonga-tonga ni angka bangso, tu dia halahi na tartaban i dioban, angka halak na malua sian tonga-tongamunu angkon mangingot Au. PaulakonKu do muse roha ni halahi na markarosuan i, na dung mandao sian Au jana manundali halahi, na tongtong markarosuan mangihutkon gana-ganaan ni halahi, dung i gabe goyak ma roha ni halahi mida dirina sandiri hara ni sude hajahatan dohot hajorbutan ni halahi.

JEHESKIEL 6:9 ပူးပေါင်းရင်းမြစ်များ

JEHESKIEL 20:43

Taringot ma tu rohamunu disi sude pambaenanmunu na so ture na dung pahodarkon dirimunu. Jadi gabe sobalan ma hamu paingot-ingot sude hajahatan i.

JESAYA 7:13

Dung i didok si Jesaya ma, “Antong anggo songon i, tangihon ma ale pomparan ni Raja Daud! Na so tuk dope he hum jolma lojaanmu, umbaen jabat lojaanmu dope Debatangku?

MASMUR 78:40

Jotjotna i antong halahi mangalo tuSia, pahancit rohaNia di padang halongonan.

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

ZAKARIA 10:9

Haru pe Husursar halahi di tonga-tonga ni angka bangso, laing ingoton ni halahi do Au di adu. Malua do halahi songon i muse angka dakdanakna, jana rap mulak halahi tu tanona.

JEHESKIEL 20:7

Husuru halahi mangambungkon sude patung sihagigian na ni hagiotan ni halahi i, jana Huorai halahi pahodarkon dirina marhite na marsomba tu angka gana-ganaan na sian Mesir, angke Au do Tuhan Debata ni halahi.

JESAYA 43:24

Nada ditobusi ho pulungan na huskus di Au, nada dibuat ho rohangKu marhite tabo-tabo ni pahan-pahananmu. Mur dipasorat ho do Au tehe marhite dosamu jana dilojai ho Au marhite angka hasalaanmu.

JEHESKIEL 20:24

hara ni na dipasiding ni halahi angka parenta na sian Au, dilaosi halahi angka uhumKu, ramun dibaen halahi Ari Sabat, jana laing tontong do halahi marsomba angka debata na nisomba ni ompu ni halahi.

JEREMIA 51:50

Didok Tuhan ma tu halak Israel di Babel, “Madung malua hamu sian pamunuon! Jadi, kehe ma hamu saonnari! Ulang be painte hamu! Haru pe dao hamu sian bagas, ingot hamu tu Au Tuhanmunu dohot tu Jerusalem.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

JEHESKIEL 16:43

Hara ni na so diingot ho be hatiha haposoonmu, gabe muruk Au, tutu, dabuonKu ma uhum tu ho hara ni hajahatonmu, songon i ma didok Tuhan Debata. Nada he na markarosuan do ho muse di balik ni nasa pambaenanmu na nihagigihon i?”

AMOS 2:13

Saonnari odotkononKu ma hamu lopus damos tu tano, lopus mangangguk hamu songon kareta na sorat maroban gandum.

BILANGAN 15:39

Hasaya ni rambu-rambu i gabe parningotan ma i. Ganop diida hamu i ingotonmunu ma sude parentangKu jana angkon patulusonmunu. Jadi hara ni i nada hudukkononmunu be Au giot patuluskon lungun ni rohamunu dohot hagiotmunu sandiri.

JEHESKIEL 12:16

Adong do saotik sian halahi na giot paluaonKu sian parporangan, sian tangkuraparon dohot nyae, anso diboto halahi di tonga-tonga ni bangso sileban i hajorbuton ni pambaenan ni halahi. Jadi okuon ni halahi ma disi, Au do Tuhan.”

JEHESKIEL 7:16

Malua do nian deba jana maporus ma i tu partoran songon darapati na nihabur sian rura. Mangangguhi be ma i hara ni angka dosa ni halahi.

JEHESKIEL 5:13

Hilalaonmu ma jorbut ni hamuruhonKu, dohot pangamukKu lopus sombu rohangKu. Dung tulus sudena i, disi pe anso tangkas botoonmu paboa na dung mangkuling Au tu ho, Au Tuhan mangkuling hara ni murukKu marnida na so setia ho.

JEREMIA 3:13

Sandok okui sajo ma paboa na marsala dohot na dung mangalo ho tu Tuhan, Debatamu. Okui ma na dung dipataridahon ho holong ni rohamu maradopkon debata ni angka bangso na asing di toru ni ganop hayu na rumbun, dohot na so dioloi ho angka na Huparentahon. Au, Tuhan, madung mandok songon i.”

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

MASMUR 137:1

Di topi ni angka batang aek di Babel, disi do hita juguk huhut tangis muda hita ingot Sion.

2 RAJA-RAJA 16:10

Di na kehe Raja Ahas tu Damaskus laho mandapoti Raja Tiglat-Pileser, diida ia ma langgatan di kota i. Laing ditongoskon ia ma tudosan ni langgatan i tu Malim Uria di Jerusalem singkop dohot ukuranna sudena.

JEHESKIEL 6:10

Jana botoon ni halahi ma, bahato Au do Tuhan jana nada hata gabus, muda Hudok giot mandabu uhum tu halahi.”

JEHESKIEL 16:61

Ingotonmu ma angka pambaenanmu jana maila ma ho muda Hupaulak angka parebanmi tu ho. BaenonKu ma halahi songon angka dakdanakmu haru pe nada masuk hian na songon i di bagasan parjanjianKu dohot ho.

JEHESKIEL 23:30

baen na ro bagianmu na jatjat on tu ho. Gabe siboru panggampang ho di angka bangso jana dibaen ho dirimu gabe ramun marhite angka gana-ganaan ni halahi.

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

MIKA 5:13

RumpakkononKu ma angka patung ni debata boru-boru Asera na adong di tanomu, jana Huroncohon angka kotamunu.