JEHESKIEL 6:4 - BIBEL JAMITA NA DENGGAN

⁴ Parrumpakkonon ma angka langgatanna i jana partaporan angka pardupaanna. Bunuon ma sude jolma na disi di jolo ni gana-ganaanna i.

JEHESKIEL 6:4 ပူးပေါင်းရင်းမြစ်များ

2 JUJUR TAON 14:5

Sude inganan pamelean ni gana-ganaan dohot inganan panutungan ni dupa dipaorot ia do sian angka kota ni Juda. Jadi gabe sonang ma harajaan i di hatiha ia mamarenta,

HAMALIMON 26:30

RoncohononKu ma inganan parsombaanmunu, angka na di tor, Hurumpakkon angka langgatan inganan panutungan ni hamonyan jana Hupardanggurkon angka bangkemunu tu angka gana-ganaan na marumpak i. Hara ni pangkilalaan na magigi.

JEHESKIEL 6:13

Marragean ma angka bangso di antara ni angka gana-ganaan i dohot humaliang ni angka langgatan i, marserak di ganop dolok na gincat dohot di puncu ni ganop dolok, di toru ni ganop hayu na rumbun dohot di ganop bona ni hayu na godang; pendekna, sanga di dia halahi manutung haul tu gana-ganaan ni halahi. Jadi botoon ni ganop jolma ma, Au do Tuhan.

JEREMIA 43:13

Roncohononnia ma angka tugu ni gana-ganaan na di Heliopolis di Mesir, jana angka inganan pamelean ni angka debata ni Mesir abis ma tutunganna.”

2 RAJA-RAJA 23:14

Angka tugu ni debata dohot patung ni debata boru-boru Asera, dirunggangkon jana angka tano hajongjongan ni angka tugu dohot patung i, ditimbun ma tusi angka holi-holi ni jolma.

1 RAJA-RAJA 13:2

Diparentahon Tuhan ma anso marsurak panurirang i tu langgatan i, “O langgatan, o langgatan! Songon on ma didok Tuhan, ‘Sorang ma sada anak na margoar si Josia di tonga-tonga ni horong ni si Daud. Bunuonnia ma di ginjangmon angka malim na pature langgatan ni angka debata na asing dohot na manghaulkon haul di ginjangmu. Jana laing di ginjangmon ma tutungonnia angka holi-holi ni halahi.’ ”

1 SAMUEL 5:4

Tapi ancogotna i manyogot dope diida halahi ma na dung unggal mangulahi patung i di jolo ni Poti Parjanjian i. Anggo on maponggol ma ulu dohot tangan ni patung i dua-dua jana payak ma i di lambung ni pintu; hum pamatang ni patung i noma na tinggal. (

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JEREMIA 7:32

Hara ni i, dapot do hatihana nada goaron be inganan i Tofet sanga Rura Hinom, tapi goaron noma i Rura Panyambolan. Gabe kuburan ma tano i hara ni na so adong be inganan na asing.