JEHESKIEL 5:8 - BIBEL JAMITA NA DENGGAN

⁸ Jadi, Au Tuhan Debata mandok, bahaso musumu do Au. UhumanKu ma ho di adopan ni angka bangso.

JEHESKIEL 5:8 ပူးပေါင်းရင်းမြစ်များ

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

JEREMIA 21:5

Au sandiri giot mamorangi hamu sagogongKu jana mardongan gilap ni murukKu.

JEREMIA 24:9

Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

ANDUNG 2:5

Gabe tudos tu musu do Tuhan; dilibas Ia Israel lopus mardabuan. Dironcohon Ia angka benteng dohot bagas godang, jana diparo Ia pardangolan tu halak ni Juda.

ANDUNG 3:3

Dibalbali au marulak noli, so adong ibo ni roha sasadari.

JEHESKIEL 11:9

ObanonKu noma hamu ruar sian kota i jana Hupasahat tu halak na leban. Madung Huputuskon uhuman mate tu hamu.

JEHESKIEL 15:7

Au sandiri angkon mangalo halahi. Haru pe malua halahi sian api, tapi panganon ni api i do halahi. Jadi botoonmunu ma bahaso Au do Tuhan hatiha Hualo halahi.

JEHESKIEL 16:41

Surbuan ni halahi ma angka bagasmu jana suruonna angka dadaboru manyaksihon paruhumanmu. Songon i ma baenonKu mangantak parhamainonmi. Nada be ho marbagi-bagi silua tu angka haholongan ni rohamu.

JEHESKIEL 21:3

Au Tuhan mandok songon on, ‘Musumu do Au. SintahonKu ma podangKu jana bunuonKu hamu sude, na jahat dohot na burju.

JEHESKIEL 28:22

Palalu ma tu halak kota i, Au Tuhan Debata mandok tu halahi, ‘Musumu do Au, ale Sidon. Pujion ni halak ma Au hara ni pambaenanKu tu ho. Di na Huuhumi halak na mangingani ho, botoon ni halahi ma Au do Tuhan Na Badia jana na magigi tu sude na jahat.

JEHESKIEL 30:19

Songon i ma baenonKu manguhumi Mesir, jadi gabe botoon ni halahi ma Au do Tuhan.”

JEHESKIEL 34:10

Au Tuhan Debata mandok tu hamu, musumunu do anggo Au. BuatonKu ma mangulahi angka biri-biringKi sian hamu nada Hupatola be hamu mamikirkon haporluanmunu sandiri. PaluaonKu ma angka biri-biringKi sian hamu, anso ulang be gabe panganonmunu halahi.’ ”

JEHESKIEL 35:3

Palalu ma tu halak luat i sanga aha na Hudok: ‘Musumu noma Au ale halak na maringanan di partoran Edom! Giot baenonKu tanomu gabe mamolngit.

JEHESKIEL 39:1

Didok Tuhan Debata i ma, “Ale jolma parsantongkinan, gorahon ma si Gog, raja godang na sian Luat Mesekh dohot Tubal, jana paboa ma tusia, musunia do Au.

JEHESKIEL 5:15

Anso sai gabe siincahan jana sipalayason dohot siparjoraan dohot habiaran di halak parbegu angka na humaliang ho, muda muruk Au jana marrimas jana Huuhumi ho di bagasan muruk marhite pincang-pincang ni harimason.

NAHUM 2:13

“Musumu do Au,” ninna Tuhan Na Markuaso i, “TutunganKu ma sude angka karetamu lopus abis. Marmatean ma angka tentaramu di bagasan parporangan, jana pambuatanKu ma sandok na nipambuatanmu sian halak na asing. Nada habegean be angka tuntutan ni suruanmu.”

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

PANGARATAION 29:20

Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.