JEHESKIEL 5:6 - BIBEL JAMITA NA DENGGAN

⁶ Tapi madung ditulak Jerusalem na Huparentahon jana madung tangkas jumahat do ia sian angka bangso na asing, jana tumangkang dope ulang pado angka bangso na humaliang ia. Dilaosi Jerusalem do angka parentangKu jana nada ra mangoloi angka aturanKu.”

JEHESKIEL 5:6 ပူးပေါင်းရင်းမြစ်များ

2 RAJA-RAJA 21:11

“Na jorbut do jahat ni Raja Manase, dao dope jumorbut pangalahonia ulang pado pangalaho ni halak Kanaan; jana marhite angka gana-ganaannia na nipaturenia, patunda ni i ma gabe mardosa halak Juda.

2 RAJA-RAJA 21:9

Hape nada ra halak Juda mangoloi Tuhan. Gari ada mur mardosai do halahi dibaen si Manase, jumahat sian dosa na nibaen ni angka bangso na di Kanaan na nipaorot ni Tuhan di parmasuk ni bangso ni Tuhan tu luat i.

NEHEMIA 9:34

Angka ompunami, raja, malim dohot angka hatobangonna, sude do mangalanggar uhumMu jana palayaskonsa. Parenta dohot gora na nilehenMu sude, umpe diterge jana nada dibege.

NEHEMIA 9:35

Dipasupasu Ho do angka raja ni bangsoMu lopus makmur, dilehen Ho di halahi luat na bolak, tano napu. Hape nada ditadingkon halahi ngoluna na so ture i, umpe ra halahi mangoloi tu Ho bope maribadat.

MASMUR 106:20

Ditulak halahi do Ho, Debata na godang, laho marsomba patung ni pahanan na manggagat duhut.

MASMUR 78:10

Dilaosi halahi do parjanjian ni Debata dohot halahi, jana aturanNa nada dioloi.

HARURUAR 16:28

Dung i didok Tuhan ma tu si Musa, “Sadia honok nari hamu manulak mangoloi parentangKu?

JEREMIA 11:10

Madung dipambaeni halahi dosa na nibaen ni ompu ni halahi narobi; disomba halahi do angka debata jana nada ra halahi mangoloi parentangKu. Rap mangalaosi do halak Israel dohot Juda di parjanjian na Hubaen dohot ompu ni halahi.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

JEREMIA 8:5

Hape anggo hamu bangsongKu, biasi ditadingkon hamu Au, jana nada ra mulak tu Au? Ditulak hamu do Au jana togu hamu marsitiopan tu gana-ganaanmunu i!

JEHESKIEL 11:12

Jadi gabe botoonmunu ma bahaso Au do Tuhan jana hona uhum ma hamu Hubaen hara ni na mangalaosi angka aturanKu jana nayang rohamunu di angka parentangKu marhite na mangoloi angka tona ni negara-negara na humaliangmu.”

JEHESKIEL 16:51

Samaria pe tutu jahat do, tapi nada adong satonga ni angka dosamu dosa ni halahi, umbahat dope hagigian dibaen ho sian halahi na dua, hara ni sude hajahaton na nibahenmu gabe hira na so marsala idaon angka angkangmi.

DANIEL 9:15

Ale Tuhan Debatanami, madung dipatuduHon Ho kuasoMu marhite na maroban bangsoMi haruar sian Mesir, jana laing siingoton do tongtong kuasoMi. Madung mardosa hami jana mambaen hasalaan.

DANIEL 9:5

Madung mardosa hami, madung mambaen na jahat hami, boti mambaen hasalaan. Hami tinggalkon do parentaMu jana manyimbil do hami sian angka aturanMu.

DANIEL 9:8

Dipambaeni angka rajanami, dohot angka na markuaso dohot angka ompunami do angka pangalaho na pailahon jana na mardosa tu Ho ale Tuhan.

ZAKARIA 7:11

Tapi nada diantureskon halahi jana mangalo, jana dipaingol do pinggolna anso ulang marbinege.

1 KORINTUS 5:1

Satutuna madung lalu tu au paboahon na adong deba sian hamu marpangalaho na so ture; adong sian hamu na pardadaboruhon na nialap ni amangna. Hape halak na so mananda Tuhan pe nada ra mambaen na songon i!

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.