JEHESKIEL 5:2 - BIBEL JAMITA NA DENGGAN

² Sapartolu angkon tutungonmu ma i di tonga-tonga ni kota i dung sidung hona hobuk. Sapartolu nari angkon jaljalanmu do i dohot podangmi lalu mardalan ho manghuliangi kota i. Jana na sapartolu nari i angkon sampakkononmu do i tu awang-awang i, jana buruonKu ma i dohot podangKu.

JEHESKIEL 5:2 ပူးပေါင်းရင်းမြစ်များ

JEREMIA 13:24

SarsarkononKu ma hamu songon lapung na niombus ni alogo sian padang halongonan.

JEREMIA 15:2

Muda disapai halahi tu ho, sanga na tu dia halahi kehe, songon on ma dokkon alusna, ‘Didok Tuhan, na ditontuhon parmatena hara ni nyae padiar ma mate hara ni nyae. Na kehe tu hamatean, tu hamatean ma! Na kehe tu podang, tu podang ma! Na kehe tu tangkuraparon, tangkuraparon ma! Na kehe tu tabanan, tu tabanan ma!’

JEREMIA 24:10

ParoonKu tu halahi parporangan, tangkuraparon, dohot nyae masa lopus marmatean halahi sude jana umpe sada na tading di luat na dung Hulehen on tu halahi dohot ompu ni halahi.”

JEREMIA 39:1

Di bulan sampulu taon pasambilankon si Zedekia mamarenta gabe raja ni Juda, ro ma si Nebukadnesar raja ni Babel rap dohot sude parangannia mamorangi Jerusalem.

JEREMIA 39:2

Di ari sambilan bulan opat taon pasabolaskon mamarenta Raja Zedekia, dionjar musu i ma tembok ni kota i,

JEREMIA 9:15

Hara ni i, tangihon hamu sanga aha na giot baenonKu, Au Tuhan Na Markuaso, Debata ni Israel na giot mangalehen suan-suanan na paet sipanganon dohot rasun siinumon.

JEREMIA 9:16

PaserahonKu ma halahi tu tonga-tonga ni angka bangso na so ditanda ni halahi sanga ompu ni halahi. TongosonKu ma tentara na mamorangi halahi lopus abis sudena.”

JEHESKIEL 12:14

Marserak ma baenonKu sude halak na mangingani bagas godang i, dohot angka panuturi dohot angka pangawal ni raja i sun tu dia. Jalak-jalahan ni halak ma halahi lalu bunuonna.

JEHESKIEL 17:21

Tentarania na dumenggan i pe marmatean ma di parporangan, jana angka na tarbaensa malua paserakonKu noma i tu sude luat. Jadi gabe botoon ni bangsongKi ma, bahaso Au Tuhan madung mandok songon i.”

JEHESKIEL 5:10

Panganon ni ama-ama ma dakdanakna sandiri jana dakdanak mangankon simatobangna. Songon i ma uhumanKu halahi, jana na tinggal i paserahonKu sun tu dia.

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.

JEHESKIEL 5:3

Tadingkon ma saotik obuk i, jana saputi ma i di pangalompitan ni baju jubami.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

AMOS 9:4

Muda hona tangkup halahi dibaen musu, parentahononKu ma anso dibunu halahi. Madung putus rohangKu laho mangabisi halahi jana nada urupanKu halahi.”

ZAKARIA 13:8

Dung i masa ma di sandok tano on, ninna Tuhan, mate ma dua partolu sian pangisi ni luat on.