JEHESKIEL 48:8 - BIBEL JAMITA NA DENGGAN

⁸ Anggo tano bagian na mangihut on, angkon paasingon do hara ni hapunjungan ni gunana: Angkon 12,5 kilometer ginjangna sian batas na di Utara lalu tu Selatan. Batasna sian Habincaran dohot Hasundutan angkon dos ginjangna dohot angka bagian na dipasahat tu angka marga-marga ni Israel. Hajongjongan ni Bagas Na Badia do i baenon.

JEHESKIEL 48:8 ပူးပေါင်းရင်းမြစ်များ

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JEHESKIEL 48:21

Tano sabola Habincaran dohot Hasundutan sian tano hapunjungan na ditontuhon baen inganan ni Bagas Na Badia, di angka malim, di halak Levi dohot parkotaan i, i ma bagian ni parkuaso na mamarenta. Sabola Habincaran manggistang ma tano i lopus tu parbatasan di Habincaran, jana sabola Hasundutan lopus tu Laut Tonga jana antara ni tano Juda dohot tano Benyamin ma parpayak ni i.

JEHESKIEL 48:35

9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”

JEHESKIEL 48:9

Deba sian tano i dibaen gabe hapunjungan ni Tuhan, i ma tano na di bagian partonga-tonga, 12,5 kilometer ginjangna jana 10 kilometer bidangna.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

HALUMBAAN 21:22

Nada huida Bagas Na Badia di bagasan kota i, angke Tuhan Debata Parkuaso Na Sumurung i sandiri do Bagas Na Badia, songon i muse Anak Ni Biri-biri i.

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.

HALUMBAAN 22:3

Jadi nada adong be disi na niburaan, angke habangsa ni Debata dohot Anak Ni Biri-biri i do di bagasan kota i, jana angka naposoNia mangoloi noma tuSia,