JEHESKIEL 40:2 - BIBEL JAMITA NA DENGGAN

² Di sada parnidaan, dioban Debata ma au tu Jerusalem jana dibaen ma au di dolok na gincat. Adong ma huida di jolongku saluhutan bangunan na tudos tu sada kota.

JEHESKIEL 40:2 ပူးပေါင်းရင်းမြစ်များ

1 JUJUR TAON 28:12

Laing dipasahat si Daud ma sude sangkap na dung dipikirkon ia salaho tu bagian ni alamanna dohot angka kamar humaliangna, dohot salaho tu angka gudang panyimpanan ni na hasaya di Bagas Ni Debata dohot panyimpanan ni angka silehen-lehen di Tuhan.

1 JUJUR TAON 28:19

Dung i didok Raja Daud ma, “Madung adong sudena i di sangkap na nisuratkon marguru tu na nidok ni Tuhan sandiri tu au, anso dipatulus.”

MASMUR 48:2

Sion, dolok ni Debata na jeges jana gincat marsijongjong, kota ni Raja Godang hajopan ni roha ni sude portibi on.

JESAYA 14:13

Anggo giot ni rohamu nian sai na giot tu langit, jana mambaen habangsamu di ginjang ni bintang pargincat! Diambang ho tarbaen ho ma juguk di ginjang ni dolok na di Utara, inganan parpunguan ni angka debata.

JESAYA 48:2

Nada hum i sajo, didok hamu dope pangisi ni kota na badia i hamu, na pasahat ngoluna tu Debata ni Israel, i ma Tuhan Na Markuaso i.

JEHESKIEL 1:1

Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

JEHESKIEL 20:40

Angke di tano Israel, di puncu ni dolokKu na badia i, hamu sude bangso Israel, disi ma sombaonmunu Au. Disi ma sonang rohangKu mida hamu jana Hupangido hamu maroban tu Au angka haulmunu na dumenggan dohot angka silehen-lehenmunu na gabe hapunjunganKu.

JEHESKIEL 37:22

BaenonKu ma halahi gabe sada bangso di tano i, di dolok ni Israel. Sada raja ma mamarenta halahi jana nada be matapor halahi gabe dua bangso sanga harajaan.

JEHESKIEL 41:1

Dioban bayo i ma au tu bagasan bilik tonga ni Bagas Na Badia. Disuhat ia ma dalan laho tusi: tolu meter ginjangna,

JEHESKIEL 43:12

On ma tanda hasurungan ni Bagas Na Badia: Sude tano na humaliang i na di puncu ni dolok i, na sun do badiana.”

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.

DANIEL 7:1

Di taon parjolo dung mamarenta si Belsasar, raja ni Babel, marnipi ma si Daniel jana dapotan parnidaan dipodomannia. Dung i, disuratkon ia ma pangarimpunanna, “Di borngin i dapotan parnidaan ma au, huida ma mangombus alogo na gogo sian humaliang jana gumalungsang ma laut na bidang i.”

DANIEL 7:7

Taran manatap au tusi, murgap muse ma binatang na paopatkon. Sun gogona jana jorbut tompana, mabiar au midasa. Diropuk ia dohot iponnia na gogo jana na songon pir ni bosi i angka soroannia jana dipangabis ia; teba-tebana i didege-dege ia. Asing do ia sian angka binatang na parjolo i, anggo on martanduk sampulu.

MIKA 4:1

Anggo tu angka ari na ro dolok ni Bagas Ni Tuhan tarida ma gumincat jana tigor ma i jongjong manyalpui angka dolok na gincat. Marroan ma tusi angka bangso;

BAENON NI ANGKA RASUL 16:9

Bornginna i di Troas diida si Paulus ma ro sada halak Makedonia jongjong di jolonia mangido dohot gomos anso taripar ia tu Makedonia mangurupi halahi.

BAENON NI ANGKA RASUL 2:17

Tulus ma di angka ari na parpudi, ninna Debata, usehononKu ma tondingKu tu sude jolma. Jadi manyurirangi ma angka anak dohot borumunu, maruli parnidaan ma angka naposo bulungmunu, marnipi ma angka simatobangmunu.

GALATIA 4:26

Tapi anggo Jerusalem na di banua ginjang i, i ma boru na mardeka, jana i ma ina di hita.