JEHESKIEL 4:9 - BIBEL JAMITA NA DENGGAN

⁹ Satorusna, buat ma gandum, burir-burir; kacang mera na godang, kacang mera ma menek, jawan dohot sekoi, jana pamasuk ma i tu bagasan sada hudon jana lompa ma i gabe roti di ho. I ma panganonmu salolot modom manjorbing; i ma 390 ari.

JEHESKIEL 4:9 ပူးပေါင်းရင်းမြစ်များ

PAMUNGKAAN 25:34

Dung i dilehen si Jakob ma tusia roti dohot ingkayu i deba. Mangan ma si Esau jana minum lalu kehe ma ia. Songon i ma nayang ni roha ni si Esau di haknia songon anak siangkaan.

HARURUAR 9:32

Tapi anggo gandum dohot sekoi nada sego harana nada podo musimna.

JESAYA 28:25

Muda dung sidung tanona i, disabur ia ma same, umpamana jintan na lomlom sanga jintan na bontar. Disuan ia ma gandum sanga na jawawut, jana di topina i suan-suanan na asing.

JEHESKIEL 4:13

Didok Tuhan ma muse, “Angkon ambungkononKu ma halak Israel tu tonga-tonga ni angka bangso jana songon i ma halahi mangankon roti na hodar disi.”

JEHESKIEL 4:16

Dung i didok Ia muse, “Ale jolma parsantongkinan, abis baenonKu bohal simpanan na di Jerusalem. Mardongan biar dohot ganggu ni roha antaraan ni angka jolma noma mangankon sipanganonna dohot minum aek siinumonna.